تزوج وخلاص انتهى أمره انتي شوفي سلبياتك وعدليها اهتمي بروحك وطنشي لاتقعدين تتحسسين وش سوى وين راح وش قال
الواحدة تكون وسط لا طيبه مره ولاشديده مره والرجال عموما ما يحبون الحرمه اللي شخصيتها ضعيفة
أكثري من الدعاء وان الله يرده لك رد جميل
مافيه أحسن من الدعاء بالذات في الثلث الاخير من الليل والسجود
الله وسخره لك ولعيالك

أنا أقول قوي نفسك وحقك طالبي به بكل قوية .. عزي نفسك ورزي أهلك قدامه وقدام غيره ..
شغل الضعف والسكوت والدمعات خليها عنك .. ادخلي في عينه وقولي عطني كذا وأبي كذا ..
وخذي ضعف حاجتك .. دلعي نفسك ورفهيها ولا تخلينه كل همك .. واضح انه يحب المرأة القوية ..
وكرف عند أهله بلاش منه .. خلك عزيزة .. أنت رقم واحد ثم عيالك والباقي في حريقة ..
لا تضغطين على نفسك عشان أحد أبد مهما كان غير امك .
لا تعطين بدون أخذ أبد أبد أبد .. الدنيا أخذ وعطاء .. مو كل الناس تستحي وكريمة نفس مثلك .
وسعي دائرة معارفك .. حتى لو قدامه بس .. انك مشغلة مع فلانة صديقتك .. مع علانة جارتك ..
اطلعي تمشي مع عيالك ..وهكذا ..
خليه يحس انك تروحين وتجين وتوسعين صدرك وما جبتي خبره .
يومك لك مو للإستراحة ولا يمرها فيه .. ولا تقعدين فيه في البيت خليه يمشيكم فيه .
يومها لا يجيك إلا إذا احتجتي لشيء أنت عيالك .. ولا تسوين له فيه أي شيء .. أي شيء ..

خلك واثقة من نفسك في كلامك .. لا تعيدين على مسمعه رأيه فيك أو في أهلك .. لأن رأيه مو مهم ولا حتى حقيقة .
دايم كرري قدامه رأيك أنت في نفسك وفي أهلك .. خليهم فوق فوق وتأكدي ان المال مو مقياس لأي انسان .
لا تقولين هي أجمل وهي دلوعة .. يختي وش يردك تدلعين عمرك ؟! تدلعي وسعي صدرك اشتري لنفسك ولا تقصرين ..
لا تبينين له انك متلهفة عليه .. ولا تخرين عليه كل شيء عنك وعن أهلك .. خليك غامضة ..
ما يعرف وش وراك ولا وش يصير معك أو عند أهلك ..
خلي لنفسك وقت تقضينه في هواية معينة أو مشي أو أي نشاط ..
منها شيء يسعدك ويريح أعصابك ومنها يحس انك تحبين نفسك ومو مخلوقة عشانه .

والله انقهرت يوم فرح معها بالترقيه ولافرح معك

وكمان يكذبوا انه ماياكل ولايشرب

خليه لاياكل ولايشرب يبون يكسرون نفسك بالعشره ويحننونه لك

هو اللي يحاسب على اعماله يوم القيامه محد شايل حساب الا انفسه

لاتشيلين اغلاط الناس

اما عن طلاق او ترجعين له ماعرف صراحه

لكن الله يكتب لك الخيره

ياليت امي عايشه

تكفين بس خنقتني العبره

الله يفرج همك ويساعدك ...وان شاء الله بأذن الواحد الاحد بتتصلح الأمور ...