الله يفرجها عليك بس تكفين طمنينا عليك

طمنيني عليك والله أحاتيك من قريت عنك :( 

من وقت قريت موضوعك وانا بس سراحانه وافكر في وضعك كيف لو كنت مكانك وانا مارديت اول لكن ماقدرت لازم ارد عشان ارتاح اسمعيني لاتطلقي ولاشي لكن قوي قلبك وخليه ياخذ اولاده قولي له انا ماقدر اصرف عليهم ولا ابغى ريال منك خليه يحس بقيمتك ولاتكلميه ولاشي اقل شي شهرين او حتى اكثر ولو كنت ماخذت رضاوه عشان اتزوج اطلبيها بالمبلغ الي تعرفي انك تقدري اطلعيه منه بس مبلغ وقدره واشرطي عليه ماتشوفيها حتى عند اهله وحتى في المناسبات المشتركه يا انت ياهيا ولا يرفع عليها سماعه وهو عندك ولايرسل حرف والفتره هذي عند اهلك اهتمي بنفسك اذا زايده كم كيلو نزليهم اهم شي اتفرغي لنفسك وخليه هو الي يذاكر لعياله لوهم في سن مدرسه ويحس فيك بجد شوفي وجود اولادك معاك مابيفرق معاه لازم تقوي قلبك واكيد بيجيبهم زياره واخيرا هذا راي ورجاء طمنينا عليك الله يكتب لك الي فيه الخير

ماشا الله عليك ليت عندي قوة قلبك واروح بيت اهلي واقولها طلقننننننننني
عشت تقريبا نفس حالتك بس الفرق ان اهل زوجي ماجمعونا بعزيمه
لسه امس يقول انسي اني اطلقكم لكن ودي اتشجع واصيح زيك
ماعرف وش اقولك لكن دوري راحتك اذا ببيتك او ببيت اهلك لاتحرقي نفسك واعصابك
على انسان مايستاهل لو طحتي لاقدر الله مابيطالع فيك
الله يختار لك اللي فيه خير

آآآآآآآآآآآآآآآآه تشكيلي ابكيلك

جبتيها على الجرح
انا زوجه اولى وصارله 4 شهور وكم يوم من تزوج من ملك رحت لأهلي لأني ماتقبلت فكرة زواجه " انا اعترف له الحق يتزوج بحكم انو ماعندي اطفال 14 سنه تحمل لأن السبب مني بتشخيص الأطباء لكن الحقيقه الله ماراد الى الآن يرزقني بطفل او طفله "
بعد زواجه بشهر رضيت ارجع معه لبيتي وقد كتبت موضوع عن هالشي

بليلة زواجه كلمني قبل مايتسكر عليهم باب يطلبني اسامحه وادعيله
من رجع من شهر العسل من المطار نزل زوجته الثانيه وجاء عند اهلي يطلبن ارجع معه
كنت اقول يبيني مانسيني عشرة عمر معه عشت مراهقتي وشبابي وكل مراحل حياتي معه اعرفه اكثر من انو اعرف نفسي واعرف اهلي
لكن وش اللي تغير بعد الزواج مو زوجي اللي اعرف
كنت حاطه في باللي بدخل حياتي بدون مشاكل خصوصاً انه زوجته كبر خواتي 20 وبنت ماتزوجت " ماعرفتها ولاقد شفته الا بعد الزواج "
إذا شافتني طالعه او داخله قامت تتلزق فيه وتعمل كم حركه زي وجهها وهو خاش جو الأخ معها
الليله اللي يكون عندي بس مكشر ولاله خلق لالسالفه ولاكلمه ولاهم يحزنون واغلب الوقت عينه بجواله واحياناً يتحجج انه بينزل عند اهله " خصوصا اني ساكنه عندهم " يطلع من جهه ويدخل من جهه عندها " انا وهي ساكنين بالدور الثاني عند اهله كل وحده بشقه وفيه صاله مشتركه بيننا على قولته قبل يوم طلب ارجع معه بعد زواجه علشان بكرا اذا ربي رزقني بأطفال منك ومنها يكونون على يد وحده وقلوبهم على بعض"
قدامه تعاملني على انه الحبيبه الغاليه وغلاتك ياجروح صامته من غلاة فلان لكن لو بالصدفه تلاقينا انا وهي تكفيك النظرات احس شوي وده تقوم وتذبحني
صحيح هي بنت صغيره دلوعه وحلوه لكن هالشي مايخليك تهضم حقي
الليله اللي تكون عندها اصوات ضحكهم واصله آخر الدنيا <~ لكن انا مثل ماذكرت بكلامي فوق
احيانا لما افكر اقول اطلب الطلاق وارتاح ماعندي اطفال علشان اضحي علشانهم ارجع اعيش بيت اهلي معززه ومكرمه
ولااعيش بحياه احس اني ناقصه من كل جهه
لكن بنفس الوقت اقول ماابغى اتطلق وبعيش حياتي معه حاسه اني اناقض نفسي مو عارفه ايش اختار
كان لي مثل البلسم قبل واللحين تغير كل شي كل شي كل شي
صار هو مثل الم الملح لما يكون على الجرح

اعذريني يالغاليه طلعت عن موضوعك لكن لقيت احد مقارب لـ قصتي ولـ معاناتي

اللي يقهر كأنه حنا اللي جينا فوق روسهن يوم يبدن بالمشاكل والنذاله مو كأنهن هن اللي خذن رجالنا منا