طلبت الطلاق/ اكتفى من الردود

:( لا تستغربون من العنوان اي انا طلبت الطلاق من زوجي

اليوم و في لحظة غضب انهد كل شي

جرحنا بعض بالكلام من مشكله صغيره وصلنا للاكبر
المشكلة بلشت امس بالليل والصبح عشان اتحاشاه ما سلمت
ولا قلت سلام عليكم و هو عصب لدرجه فظيعه خلاته يسبني
و يسب والديا بعد مشادات بالكلام
انا فقدت اعصابي و قلت له لو انت رجال يلا ودني بيتنا
الحين و لميت اغراضي و حلقت له انه يوديني
رفض قال الصبح اخذك لا تهدديني
انا رحت اتصلت على اخي الكبير و. انا ابكي
قلت له يا اخوي تعال اخذني بسرعه انا انهنت و انسبيت و انسبو والديا
و مستحيل ابقى في هذا البيت
اخي انصدم قال ليش وش صاير بينكم توصلون للمواصيل هذي
حكيت له السالفه
كلمه قال له ابو حميد انا ما عرفتك كذا بعد العشرة و السنين هذي
توصلون للكلام هذا
رجع اللوم كله فيني قاله هي السبب انا معصب و هي وراي
ما سكتت و راسها يابس عصبت و صح غلطت و قلت كلام ما ينقال
بس هي ايضا غلطتها كبيرة
ظل معاه اخي ساعه يتكلم و انا ابكي و ما اشوف قدامي شي
من كثر ما عصبت
قال اخي هدي و راح ارجع اتصل عليك
كلمتني زوجته قالت صحراويه وش اللي صار كلنا نعرفكم
سمنه على عسل لا تتبعي الشيطان ارجوك و زوجك صح غلط مع ربه قبل والديك
و لو تخرجي من بيتك راح تندمي فكري قبل كل شي
انا ما ابغاكي تتهاني بس لا تاخذي قرار ترك بيتك
الغلط يتصلح مرة و اثنين و ثلاثه و لما نوصل باب مسدود نطلق
و اخي قالي نفس الكلام قال انا الان بعد ثلاث ساعات اكون عندك
و اخذك بس فكري اعرف اللي بينك و بين زوجك كبير ما ينهد
بهذه السهوله
انا ضايعه ابكي و ماني عارفه ايش اسوي
مين الغلطان
كلامهم صح او لا
مشتته
كل واحد في جهة و هو ساكت للحين
و قال لاخي انا ما جبت سيرة الطلاق وحدها هي ذكرت
الطلاق و حتى لو كتبه الله علينا مو بالاسلوب هذا
نفترق باحسان
والله ضايعه اهاني
يقطع الحب و سنينه