طلبت الطلاق انا صح او اخطيت 😢😢

السلام عليكم
انا اول يوم عند اهلي بعد ماطلبت الطلاق لحد الحين ماطلق انا طلبت وخلاص بس انا موجووووعه بنات ابي ابكي مقدرت اتنفس من القهر بس مقدرت ابكي انا مره مقهوره ودي اني اسقريت استمريت بزواجي بس مقدرت انا غلط بقراري مفروض اني صبرت او قراري صح تكفون بنات ابي مشاركتكم لاتخلوني انا ماابي اعيش ندمانه وربي انا ماانقهرت الاعشان عندي ولد ي بنات انا طلبت الطلاق واذا طلق عطيته اولده مسسسسسسستحيل اربيه 😢
بقولكم الاسباب واحكمو انتم 😭😭
عمر الولد 3 شهور توني والد بعد ماحملت بااربع شهور رماني عند اهلي ولعاد سال عني الين ولدت بعدها رجعني بعد النفاس بنص شهر والله ي بنات ماقرب مني ولا جامعني من حملت وبعد النفاس رجعت والرجال صاد عني ناقشته بالموضوع قالي انتي ماتبين تجين ولاتكسرين نفسك قلت بخاطري اوك بروح له لبست وتعطرت وربي ي بنات مافيني اي عيب يصده عني طلعت من الاربعين ماشاء الله تبارك الله حتى ترهلات مافيني اقسم بالله كني عروس المهم رحت له تخيلو وش سوى اخذ البطانيه ولفها على نفسه وقالي انا بنام اطلعي وخليني يعني قووويه بحقي اشوفها اهانه وربي تقبلت الموضوع طلعت واليوم الثاني قابلته بظحكه ولاكنه صار شي المهم الرجال هااااجرني بالعربي من حملت بعد ماجاتني الدوره بثلاث شهور نادني بعد ماطهرت قالي ابيك قلت غريبه ي حياتي مشتاقلي بعد هذا الهجر قالي مو قصه مشتاق بس ابيك تحملين قلت بس قال اي والا غيره ماابي انا قلت يمكن يمزح قلت تراني حاطه لزقه تمنع الحمل قال احلفي حلفت قالي اجل اطلعي بنام انا هنا تحطمت حسيت اني اهنت نفسسسسي غيره


ي بنات زوجي بحكم شغله يسافر كثير هو تاجر المهم من رجعت مايقعد بالبيت يسااافر ويخليني اسبوعين بالبيت لحالي ويجي من السفر يقفل ع نفسه الغرفه بالمفتاح مدري وش وضعه واليوم الثاني يقول تبين شي بسافر وسااافر وعلى هذا الوضع
عنده ثلاث جوالات واحد من ارقامه عنده لاين وحاظرني بالوات ساب مايدري ان عندي شريحه ثانيه انا لمدة اسبوع اراقبه تخيلو ع الساعه 8 يقول بنام واراقبه من جوالي الثاني متصل ع الوات ساب تخيلو اتصل مايدق يعنني نايم واذا سالته اليوم الثاني ليش مادقيت علي قالي نايم نمت من بدري من ساعه 8
ي بنات زوجه بالاسم فقط مااشوفه الا يوم يومين باليل يقفل على نفسه والنهار يسافر وانا مليووون مره ناقشته وقلت تغير خذني معك اذا سافرت لاتقفل عليك بالمفتاح والله كل شي يضايقني واجهته فيه وطلبته يتغير قلت دخلني معهد مدام عندي فراغ وانت ولا تدري عني لاحياااة لمن تنادي