طلبت الطلاق وصدمني بتصرفاته الغريبة

سبق نزلت موضوعين عن اعتراف خطيبي
الاول انه قالي خطبتك وقت الشوفه ماعجبيني بس كنت مرتاح لك واقترحت علي زوجه اخوي ان اخطب بنت عمها
شفتها جميلة وماارتحت لها وضلت تقترح علي بنات بس قلت ابيك وماقدرت انساك حتى وانا اخطب غيرك
المضحك المبكي ان طول هالاسبوعين كان يقول لاابوي الملكة في اقرب وقت
وهو يدور على بنات من وراي
وانا مثل الهبلة كنت رايحة السوق ادور لي فستان
والله العظيم احس بغصه وانا اتذكر

الاعتراف الثاني
انه شبه عاجز وعنده عاهه مستديمه في رجوله مايقدر يوقف عليها فترة طويلة
وشغله مايروحه على طول
هو درس وكمل للجامعة بس اعلى قولته الاشغال الي فيها وقوف مايقدر عليها

صارت ضجة وهوشة في بيتنا اهلي واقفين ضدي
وزوجه ابوي تهدد وتتوعد

وصلت لمرحلة ان عقلي وقف من التفكير مب قادرة اتخذ قرار
احيانا اقول اكمل معه بالذات ان اعاني بقوه في بيت اهلي من تسلط زوجه ابوي وسلبية ابوي
اشحت المشوار شحاته وطارت على ووظايف بسبب ان مااحد مهتم فيني
خايفة من المجتمع ونظرتهم لي ان مطلقة عمري 29 سنة
كنت مرتاحه معه قبل اعترافاته وفيه ااغلب المواصفات الي ابيها واعرف نفسي مب اقدر انساه
احيانا اقول اشتري راحتي
زواجه من بدايتها خداع وغش
بيكون بنيانها هش
والاهم ان ثقتي بنفسي جدا جدا مهزوزة وحاسة بنقص فضيع بسبب شكلي
عقدتني زوجه ابوي الله حسيبها على الي سوته فيني وكلامها الي يسم البدن

قويت قلبي وقررت ان ان افاتحه في موضوع الانفصال واقنعه ان يقول لااهلي هو الي يبي يطلق
وبعطيه المهر كامل

طوال شهور الملكة كان تعامل معي رائع ماعمره ضايقني حتى لو غلط على طول يعتذر
كنت مجروحه ومخدوعة حتى اني اشوف بس خداعه لي
فيه جروح حتى الاعنذار مايخليها تطيب تضل اثارها مدى العمر

استعنت بالله
وفاتحته وقلت الي بخاطري
سكت فترة طويلة
تالي قام يضحك بهستيريا !!!!
قال راسي بينفجر مب مصدق ان تقولين هالكلام انتي متدينه وتعرفين ان المرض ابتلاء
قلت له القضية مب مرض ولاا اعاقه ويشهد الله علي ان لو قال لي قبل الملكه وكان صريح معي بوافق عليه
اما ان انخدع وانغش وانحط امام الامر الواقع اشوفها اهانه واستصغار لي

سكر السماعة
في اليوم الي بعده اتصل
قال بتذبحيني من دون سكين ناوية توديني القبر
ان صار لي شي انتي المسؤولة !!!!!!!!


للحين يرسل لي رسايل ان بيصير له شي ان تركته
وان اذا انفصلنا مب يتزوج طول عمره
المشكلة ان حاسة بتأنيب ضمير كبيييير مع كل الي سواه فيني اشفق عليه
لاني اعرفه من النوع الي نفسيته تتعب بقوه

احيانا اضعف واحس اني مااقدر اعيش من دونه واحيانا اكرهه واتمنى يطلع من حياتي
شسوي عطوني ارائكم

رجاء ادعوا لي
اكتب لكم وقسم بالله دموعي بعيني وابكي بحرقه قلب