طلبت من زوجي الطلاق اه تعبت

السلام عليكم
اغلبكم قرى موضوعي الاخيير ومشكلتي انا وزوجي بسبب الإجهاض
اللي حصل أن زوجي قال لي تعالي بنروح مشوار قال خلي التؤم بالحضانة
نبي نخرج انا وانتي لحالنا
وافقت وانبسطت وتكشخت وقلت زانت الأمور لأننا كنا متزاعلين وراضيته قلت ممكن نرجع مثل قبل
خرجت معاه وقال بعرفك على زوجة صاحبي
تعرفت عليها وجلسنا وانبسطنا وكلنا بمطعم مع بعض
وسئلني كيف شفتيها مدحتها وحبيتها
قال طيب لازم اقولك الصراحة هاذي طبيبة نفسية ومستشارة في الأمور الزوجية تقريباً
صددددمني لأنه استغفلني وضحك علي
رحت قلت له ليش خليتني مغفلة قدام المرة
قال انتي محتاجة لطبيب نفسي من يوم ولادتك وانا ملاحظ هالشي ولو بلغتك راح ترفضي
انا طبعاً أخذت بخاطري وقلت مو لازم اقلب كل شي زعل
قلت له تمام مادام اعترفت انا راح امشي هالموضوع لكن ماراح اقابلها مرا ثانيه
قال لا راح تقابليها وتتكلمي معاها وتحلي مشكلتك
انا رفضت وطالبت اغير هالطبيبة مابي أكون قدامها المغفلة حسيت هالشي إهانة لي أنا هذا طبعي وشخصيتي وكنت اتكلم بكل هدوء معاه
صارخ قال كل شي تعاكسيني فيه من يوم ماتزوجتك ماعمرك قلتي ايه بدون شوشرة لازم تخربي أي موضوع وتعاكسيني فيه
انتي شكلك مو حابتني أو ببالك أحد ثاني لايكون تبين طليقك انا تعبت معاج مافي أحد تحملك كثري حتى أهلك نفسهم
انتي شنو مشكلتك فهميني
اذا تبين طليقك قولي لي (أنا منفصلة في ملكة (
البنات أشكال والوان
انا أخذتك وانتي مريضة تنازلت عن حلم الأبوة وقلت معليش مادام أحبها الأطفال مو مهم لما قررتي تحملي ماظغطت عليج
أوقات كثير أندم اني تزوجتك
تعبتيني نفسياً
والله العظيم لو حسيت واحد بالمية أنج ماتبغى تتزوجيني كان ماحاولت معاج
المهم انا صدددمني الكلام حسيته انفجر علي فجأة
رحت قفلت الغرفة وبكيت
كلامه عور قلبي انا غلطت في حقت زوجي ادري لكن مشكلة الطبيبة النفسية مالها دخل تتضخم لهادرجة
ليش يعايرني بمرضي وكأنه متفضل علي بالزواج
أشياء كثير تدور براسي
جاني بعد كذا يعتذر وقال إنها لحظة غضب
انا ماقابلت اعتذاره
الآن يحاول يراضيني وقال لي إذ ماتبي هالطبيبة نشوف غيرها
بس قلبي وايد يعورني حيييل مجروحة
قلت له ليش تراضيني طلقني وروح تزوج لج وحدة سليمة انا مريضة مانفع لج وأكيد فيه وحدة براسك انا كنت بوريه قد ايش الكلمة تجرح
قال ايه فيه انتي وجلس يبتسم
قال لي لاتطري الطلاق وكبري عقلك عندنا اطفال والزواج مو كل يوم يكون حلللو لابد من المشاكل
بنات انا متأكدة من حب زوجي واعترف أن انا فعلا مقصرة معاه
لكن كل ما أحاول اسأمحه ماقدر لما افتكر كلامه