الردود تنقط مثالية ! ليش ماتحط شروط ؟؟!
يعني تجلس تنتظره يتفضل ويتكرم عليها بالي تشتهي نفسه ؟! وش هالسذاجة
الذكية الي تنتبه لاسوء احتمال تاخذ احتياطاتها من البداية

حتى لو حطيتي شروط او وعدك كلها بعد الزواج الثاني تصير حبر على ورق واذا وافق على شروطك خليه يكتبها ويسلمك الرضاوه قبل افضل بعض الرجال يقول للك ابشري وعلى خشمي واللي تبغين يصير بس عشان يخليك تجلسين ويمتص غضبك وماتروحين لاهلك قبل زواجه ويصير عزوبي وبعد الزواج الله الهادي اذا جلستي عنده اصبري وتحملي فتره وتعدي

الله يربط على قلبك ويثبتك يارب وسعي صدرك واقرأي القرآن

شوفي تبين سعادة وراحة نفسبة في حياتك الزوجية عليك بالتالي : اولا الصبر والاحتساب
ثم / لا تقارنين ولا تسألين فيه هو عدل او ما عدل( هذا شأنه بينه وبين ربه ) سواء كنتي زوجة اولى او ثانية او ثالثة او رابعة غمضي عيونك وتجاهلي ان جاكم حياه الله معزز مكرم ان غاب الحافظ الله فهي فرصة لك ومساحة حرية ماكنتي تحصلين عليها قبل ،،، لا تاكلين بقلبك وتطحني بأعصابك وتجيبين لنفسك الضغط والسكر انت اولى بنفسك وعيالك محتاجينك اكثر من اول ،، ان مال فقلبه ليس ملكه انت مكانتك محفوظة ،، فقط طالبيه بالنفقة لك وعيالك وماعليك وش انفق عليها المهم ماعليكم قاصر حسب مستواه اللي انت خابرته


اشتري نفسك وراحة بالك
وان كان قلبك متعلق به وتحبينه فثقي ان تنحيك عنه يزيد تعلقه بك ، بعكس ان دققتي على كل صغيرة وكبيرة وقلبتي الحياة بينكم نكد فيكره لقاءك لكثرة اللوم والعتب والمطالبات

ابوي متزوج امي من ٣٥ سنة فرش لزوجته الاولى زي ما فرش لامي و اعطاها ذهب نفس ما اعطى امي و طول هالسنين يبيت يوم عند تمي و اليوم الثاني عندها و هكذا