السلام عليكم ورحمه الله وبركاته
ابو زوجي يصير خالي امس بالليل كلمني يقولي انه في وحده من صديقات بناته بتجي تنام عندها
وهو ماهو مطمن قلبه قارصه من البنت المهم قالي ادخلي وشوفي البنت وشلون تصرفآتها
المهم رحت مالقيت احد عندها وقعدت اسولف معاها فجاءه تتصل صديقتها وتقول انا قريب وقعدت تسولف معاها
شوي الا زوج اختها يكلم اخت زوجي :angry2:وهي تسولف عادي معاه بطلت عيني شلون تسولف معاه عادي
حتى لو كان جدامي شلون تكلم واحد غريب والثانيه شلون رضت زوج اختها يكلم صديقتها
المهم شوي وجات البنت اكبر عن اخت زوجي ب 8سنين اخت زوجي عمرها 16 سنه وهي 24 سنه
البنت مو متحجبه وشعرها بوي واللى يقهر اخت زوجي تناديها بابا :09: .
لما طلعت خالي سالني قلت له البنت كبيره وايد وثاني شيء مو متحجبه ماقدرت اقوله الباقي
وش اقوله بنتك كلمت ريل اخت صديقتها ؟؟؟ انا ماقدرت اكلم اخت زوجي وانصحها لانه بنت خالتها كانت موجوده
ومابي اقول حق خالي عشان مايحطون علي خصوصا انه علاقتي مع ام زوجي مولي هناك
تنصحوني اقول حق ريلي او انا اكلمها ؟؟؟؟؟؟؟؟؟؟
.............................................
نجي للموضوع الثاني ام زوجي علت قلبي خلاص موقادره اتحملها العلاقه متوتره كثير وهالشيء ماثر على
حياتي مع زوجي والسبه المطبخ كل مادخلت المطبخ وشافتني اسوي شيء تعلق اخرتها من يومين
نزلت اسوي لي اندوومي وحطيت الماء يغلي دخلت علي وقالت قصري عليه لاينكت الماي انا غاسله الفرن اليوم
تعبت منها مو اول مره تعلق كل ماشافتني دخلت المطبخ عقلت لاتوصيخين لاتسوين مره كنت اسوي الرز
وحاطه الماي يغلي دشت قالت لى انتي توصخين القدر تقولي عشان مايتوصخ لازم احط الرز
والماي سواء يا اختى كل شخص وطريقته :angry2:
سكت عنها مارديت وكثير اشياء واسكت وابلع لساني بس لين متى
ودي اوصل لها رساله انا ادري ان المطبخ مولي بس ماله داعي كل ماشافتني نشبت لي بتعليق
اذا اليوم سكت ماراح اسكت بكره وربي يابنات واليوم جمعه لا اشتهيت طبخه كلمت اختى ورحت عندها اطبخ
واللى يقهر خالي يكلمني يقول ليش ماتطبخين كل شيء موجود تحت بس طبخي وين اطبخ وهالعمه ناشبه لي
كرهت المطبخ وابو المطبخ واللى جاب المطبخ وربي احاول ادخل بالاوقات اللي تكون مو موجوده بالمطبخ لكن
نفس الشيء من تدخل تنشب لي وربي انها من تدخل حتى السلام ماتسلم ع طول تسدح تعليقها
وهاللي قاهرني زود من تدخل على المطبخ ماتسلم كانها موشايفتني مع اني من اشوفها اسلم واسالها عن
اخبارها وهذا غير من فتره نازله لابسه عباتي بطلع انا وزوجي اخو زوجي كان تحت وهي كانت طالعه من المطبخ
قالت له تعال تعشى وطافت من يمي ولاتكلمت وقفت عن زوجي وقالت له تعال تعشى
انا مابي عشاها بس المفروض تعزم يعني شمسويه لها عشان ماتعزمني شيء يقهر يعني
ماتعبرني موجوده والا شنو ارجع واقول ماني ميته ع عشاها بس الاصول تقول دامي موجوده ما اطنشني
في ذمتكم مثل هالانسانه من يتحملها اليوم من القهر طليت عليها واعطيها نظره كره من الخاطر وامشي
من حر مافيني وربي طول الليل كنت ابكي تعبت من هالانسانه ليش ماتعتبرني بنتها وش بيني وبينها حتى
تعاملني بهالاسلووب انا معروف عني ملسونه بس وربي من تزوجت صرت اكتم بقلبي عشان زوجي
ماودي بالمشاكل بس اذا استمر الوضع ع كذا مابقدر اسكت اكثر كلمت زوجي بالموضوع
وقالي بيبني لي مطبخ بس المشكله يقولي صبري كم سنه لانه مايقدر ياخذ قرض الحين
:09: ماقدررررررررررررررررررررر اصبر كلمت ابو زوجي عشان يدور لي شغل قالي بيشوف
ادعولي يابنات اليوم ساعه لايرد فيها الدعاء عسى وحده منكم يكون دعاءها مستجااب
تتيسر اموري واشتغل وابني المطبخ وافتك وارتاح وترتاح نفسيتي لاني ماقدر اكتم واسكت اكثر
ادري طولت عليكم بس ودي افضفض لكم بليز اللى متهاوشه مع زوجها اخوها عمها
بلاش تدخل موضوعي ماني ناقصه اللى فيني يكفيني وزود
لا اله الا انت سبحانك اني كنت من الضالمين
يلزم عليك تسجيل الدخول أولًا لكتابة تعليق.
الله يفرجها عليكي ياارب
أهم شي زوجك
وأمه خلي أذن من طين وأذن من عجين
ونصيحه لاتردي عليها ولا تتناقشي معاها التطنيش افضل حل تراه يقطع المصران
وكمان عشان ماتمسك عليكي اي خطأ لاتردي عليها ابدا خليها تتكلم مع نفسها
واصبري عليها وكل واحد في الاخير ياخذ على قد نيته
أهم شي زوجك
وأمه خلي أذن من طين وأذن من عجين
ونصيحه لاتردي عليها ولا تتناقشي معاها التطنيش افضل حل تراه يقطع المصران
وكمان عشان ماتمسك عليكي اي خطأ لاتردي عليها ابدا خليها تتكلم مع نفسها
واصبري عليها وكل واحد في الاخير ياخذ على قد نيته
بالنسبه لبنت خالك خلاص اطلعي منها انتي كلمتي ابوها وهو المفروض يمنعها عن البنت
بالنسبه لعمتك و موضوع المطبخ اذا زوجك مايقدر يوفرلك بمطبخ خاص بجناحك ولو بسيط انصحك تشتري قدور لك استعمليها عشان ماتقول خربتي قدوري ودايم نظفي المكان بعدك حتى لو كان نظيف بس حتى تشوفك انك تنظفي والله يعينك ان شاء الله تطلعي بيت مستقل وترتاحين
بالنسبه لعمتك و موضوع المطبخ اذا زوجك مايقدر يوفرلك بمطبخ خاص بجناحك ولو بسيط انصحك تشتري قدور لك استعمليها عشان ماتقول خربتي قدوري ودايم نظفي المكان بعدك حتى لو كان نظيف بس حتى تشوفك انك تنظفي والله يعينك ان شاء الله تطلعي بيت مستقل وترتاحين
الصفحة الأخيرة
قولي له عن اخته لكن اذا عصبي خذي حذرك يقوم يضربها وتنشب حماتك بحلقك بزيادة وتقول تلبس على بنتي وكذابة
اذا البنت تسمعلك اتكلمي معها وانصحيها لكن اذا مو بالزود خلاص مالك الا خالك تقولي له وتحلفيه ما يجيب سيرتك بالموضوع
اما حماتك حبيبتي هذا اغلب حال الحموات نفس التصرفات ونفس الهم والمشاكل اذا تقدري تطلعي لشقة وحدك افضل ما قدرتي خلي زوجك يعملك مطبخ مستقل لجناحك اريح لك