طلب انواع من الحلى ؟؟

هلا اختي
اذا تبين الحلويات يا كثرها لو تدورين بهالقسم بتلاقي طلب
من الحلى السهل وما يتخرب وممكن ترصيه في صحون بلاستك وتلفيه
البسبوسه بأنواعها والكيكات وحلى رهيب سويته وكأنه جاهز اخذته من
هالمنتدى الرائع اسمه دايجستف بالمكسرات جزاها الله خير اللي كتبته
وايضا انواع الكنافه مثل الكنافه الحضرميه شى رهيب من جد.وسلامتك
وانشاء الله تنبسطو بمشوارك ويمدحوا حلاك.

هلا بك عزيزتي انا كمان من الشرقيه والجو ها اليومين زفت مايستحمل شي بارد

بس شرايك تسويت تشيز كيك عندي لك تشيز كيك حلوو الكل يطلبه مني

تراني بنت وتوني ببداية العشرينات لاتفتكروني متزوجه بس هاويه الطبخ

كيكة الجبنه بالشوكولاته اممم هم عندي اطابق حلووه انتي قولي بالضبط وش تبيين

لازم بعقلك شي تبينه تبين مثلا تمر بالبسكويت تحطيه بورق؟؟ تراه حلوو كذا مره جربته

شوفي انا قلت لك هذول الطبقين اذ تبيهم انا حاظره اكتبهم لك وقولي وش تبين من انواع الحلويات وحنا تحت امرك ..يعني انتي بتروحين عزومة عشاء؟؟ غداء مثلا؟؟

ياليت توضحين علشان نقدر نساعدك بالاطباق اللي تناسب للغداء وللعشاء

تحياتي لك ياقلبي

خدود نوف و خدود انوار

موجودين فى التوقيع

ALHALMA <<<< ماقصرتي حبيبتي ومشكوره عيوني
وبدور اللي قلتي لي عليه <<<< اسمه صعب ههههههههههههه
احلى انوار تسلمين حبيبتي تصدقين بصعوبه فهمت ردك ههههههههههههههههههه الين شفت التوقيع
<<<<< صايره غبيه هاليومين
انانسه ... حيالله بنت الشرقيه شوفي قلبي انا ابي زي ماقلتي اي شي يوضع في ورق او يقطع
عطيني اسهل شي عند بس اهم شي منظره كشخه هههههههههه
وانا موب معزومه بس حماتي نفاس وبروح لها اقهويها وبما انك بالشرقيه بقولك المسافه عشان تقدرين .... من الجبيل >>>>> الى النعيريه مشوار صح

هلا بك عيوني الله يعينك والله مشواار
طيب بعطيك كذا صنف انا مجربته شخصياً وكلهم لذيذيين
اكتبي معاي

بسكويت بالزبده


المقادير
2 كوب دقيق متعدد الأستخدامات
1/2 كوب من السكر
16 ملعقة طعام غير مملحه مقطعه مكعبات
1م ص لوز(أختياري)
الطريقه
يخفق الطحين مع السكر في وعاء
تقطع الزبده الى مكعبات وتضاف الى الخليط المكونات الجافه
حتى نحصل على خليط متفتنت
تضاف اليها اللوز المبشور وندعك العجينه بواسطة اليدين حتى الحصول على كره رطبه
تنقل العجينه على سطح مكسو قليلا بالدقيق ونرقها ليصبح سمكها 10.75 الى 1سم
نغمس قطاعات العجينه في الدقيق وتقطع العجينه
على اشكال مثلثات او أي شكل يعجبك
ثم توضع في الصينيه وتوضع بالثلاجه لمدة 45.30 دقيقه
أثناء وضعها بالثلاجه نترك الفرن يحمى لمدة 325 فهرينهايت
تنقل قطع البسكويت الى صينية مبطنه بورق البرشمان
شرط تترك مسافه 2سم بين القطعه والأخرى
تخبز قطع البسكويت لمدة 18 الى 20 دقيقه او حتى يصبح لونها ذهبي
تخرج الصينه من الفرن وتررك لتبرد وتقدم

كيكة التمر هذي الكيكه لذيذه ودايما يطلبوها مني اذكر مره رحت حفل سابك وخالتي غصب الا اسويها لهم واخذناها معانا

المقادير


كاس ونصف دقيق ابيض
ملعقه كبيره بكنج باودر
كاس سكر اسمر
بيضتين
ملعقه قرفه
نصف كاس زيت
ربع كاس جوز الهند
نصف كاس تمر معجون
نصف كاس تمر اخر
عين الجمل(الجوز)
كاس حليب سائل


الطريقة

1-يوضع في الخلاط البيض والسكر والزيت ونصف كاس التمر الاول والقرفه والحليب ويخلط جيداً
2-يوضع في اناء اخر الدقيق وجوز الهندوالبكنج باودر وتخلط جيدا
3-يصب الخليط الاول على الخليط الثاني ويخلط جيداباليد
4-ثم يضاف اليه نصف التمر الاخر على شكل كور صغيره ويقلب بالملعقه
5-ثم يصب في صينيه مدهونه بالزيت ويكسر الجوز قطع متوسطه ويرش على وجه الكيكه ويدخل الفرن ويحمر من الجهتين ،يجب ان يكون الفرن ساخن مسبقا

هم هذي الكيكه تهببل

كيكة الجبنه بالشوكولاته

المقادير

2 علبة جبن كيري يعني 12 حبه

1 ونصف علبة بسكويت دايجستف( انا استخدم علبه ونص لان مايكفي
الصينيه)

5 شوكولاته بالفول السوداني(سنيكرس) مقطع مكعبات

3م دقيق الذره + 2م زبده مقطعه مكعبات


1علبه كريمه حامضه<<سواء حطيتها او م بدون الطبخه تطلع حلووه
انا دورت عليها مالقيتها وخلاص اسوي الطبخه بدونها استغني عنها

3/4 كريمه للخفق + 1/2 كاس سكر


الطريقه

1- نفرم البسكويت في الخلاط او ندقه باليد ثم نضيف له الزبده مقطعه مكعبات ونقوم بالخلط
2- نحضر قالب ونضع فيه خليط البسكويت مع الزبده ونرصها بالقالب وندخلها الفرن حتى تتماسك لمدة 10 دقائق
3- الان نضع الجبنه في الخلاط ونضيف له السكر ونقوم بالخلط
4-في هذه الاثناء نحضر وعاء ونخلط الكريمه مع 3 ملاعق الدقيق ونضيفه لخليط الجبن والسكر..ثم اضيف الكريمه الحامضه ونقوم بالخلط
5- بعد مايتم عملية الخلط نصب الخليط بوعاء ونضيف له نصف من قطع لسنيكرس واخلط بالملعقه لان النصف الثاني راح ازين فيه الكيكه
6- بعد ما اخرج البسكويت من الفرن اسكب عليه هذا الخليط وازينه بالشوكلاته لسنيكرس..
7- ادخلها الفرن لمدة 40 دقيقه ثم اخرجها من الفرن واتركها لتفتر
وادخلها الثلاجه لمدة 24 ساعه
كل ماصارت بالثلاجه مدة اطول كل ما طلع طعمها احلى

وهم ذا طبق مسويته احد الاخوات بس ما اذكر اسمها طعم وشكل يهببل

مكعبات الشوكولاتهhttp://losaan.com/uploader/pic/963258741.jpg

المقادير :

1 بسكويت شاي (200 غرام)
1 كوب حليب سائل
2 كوب حليب بودر
2/1 كوب سكر
1 قالب زبده
1 قيمر
96 قطعه شوكلاته صغيره (آنا إستخدمت فقط 60 حبة) على حسب حجم الصينية مالتك
2/1 علبة حليب مركز

12 قطعة جبن كريمه ( استعملت الكيري ) ووضعت ثلاث فقط

قليل من القهوه الفوريه


الطريقة

1- نغمس البسكويت بالحليب السائل ونصفهم في الصينية المستطيلة ويفضل صف عدد 2 طبقة من البسكويت .
2- نحمص الحليب الباودر لما يصير لونه ذهبي .
3- نخلط السكر مع الزبده والقيمر بالخلاط الكهربائي ونضيف له الحليب المحمص ثم نسكبه على البسكويت (بصراحة آنا صار عندي جامد شوي يعني ماقدرت أتحكم في الاسكاب فأضفت للمقدار عدد 1 زيادة قيمر وربع كوب ماي).
4- نصف قطع الشكولاته على الخليط السابق .
5- نخلط بالخلاط الكهربائي الحليب المركز مع قطع الجبن حتى يصبح خليطا متجانسا ثم نسكب القليل منه على كل قطعه شكولاته ونرش عليه قليل من القهوه .

بعدين نحطه في الثلاجة لما يجمد حتى تجمد تماما ثم تقطع وتقدم مع القهوه

هم ممكن تسوين معمول ..

سيسرول بالقشطه لذيييييييذ مره وخفيف وممكن تستبدلين القشطه بالمربى

المقادير
3 بيض + كاس سكر
ثلث كاس ماء + كاس طحين + فانيلا
ملعقه صغيره بيكينج باودر
ذرة ملح
الطريقه
يخفق البيض في وعاء حتى تصبح الرغوه كثيفه وبلون الليمون
يضاف السكر الى البيض والماء والفانيلا مع الاستمرار في الخفق. ثم يضاف الدقيق والملح والبيكينج باودر حتى يتجانس ا لخليط
يصب في صينيه ويدخل الفرن
بعد الاخراج يقلب الجاتوه على منشفه مكسوه بالسكر الناعم ثم يوضع عليه خلطة القشطه مكونه من ( 1 قشطه 1 ظرف دريم ويب قليل من الفانيلا يخلط جيداً)
ويحشى به السيسرول ممكن تزيدين مقدار خلطة القشطه
ثم يدخل الفريزر ليجد بعد مايجمد يخرج وينزع منه الورق ويدهن ببقية خلطة القشطه
يغطى كامل السيسرول ثم يدحرج بجوز الهند ويرش عليه بوفره ويدخل الثلاجه ليتماسك جوز الهند مع القشطه ثم يقطع ويقدم

بجد لذييييييذه

هم الطبق اللي هو التمر بالبسكويت الغير مخبوز
المقادير
قالب بسكويت من الزبده
علبه كبيره من البسكويت المكسر وليس مطحوون ممكن تكسريه على شكل اعمده طويله
بيضه واحده
نصف كوب من السكر
4 ملاعق طعام من جوز الهند
كيلو من التمر منزوع النواه
جوز هند للزينه
الطريقه
تقسم كل قطعه من البسكويت الى اقسام صغيره وتوضع جانباً
تذاب الزبده في طنجره ثم يضاف اليها السكر ويخلط جيداً حتى يذوب السكر
ترفه على النار ويضاف اليها خليط التمر والبيضه تعاد النجره على النار ويطهى الخليط حتى تتكثف ..
يرفع من على النار ويضاف اليه 4 ملاعق جوز الهند.. ثم يرص في صينيه قطرها 35 سم ويضغط عليها جيدا ثم يرش فوقها بوفره من جوز الهند ويدخل الثلاجه ليجمد
ثم يقطع الى مكعبات او معينات ويوضع في ورق

ملاحظه: ممكن تحتفظين بالبسكويت بالتمر بحافظه طعام وبعيداً عن الثلاجه
عاد اتمنى انك تسوي اللي يعجبك منهم وليتني معاك اساعدك واذا تبين اي شي عزيزتي حنا بالخدمه

تحياتي لك