عـــــــسل و قشطة :

تفضلوا يا بنات هذي الترجمة للغة العامية و ترى حطيت اضافة من عندي عشان اوضح لكم بعض الاشياء شكلها لذييييييييييييييذة <- دعاية هههههههههههه شيز كيك بنكهة الكوكيز الطبقة الاولى 1.5 كوب و نصف بسكوت مطحون نوع دايجستف او قراهام كراكرز 5 ملاعق زبدة ذائبة غير مملحة ثلثين كوب شوكليت شيبز يعني حبيبات الشوكولاته الصغيرة الي يحطونها بالكوكيز سخني الفرن قبل ما تبدين على حرارة 325 فهرنهايت يعني 165 مئوية احضري صينية مستطيلة عرضها 9 انش و ادهنيها بزبدة و حطي عليها ورق زبدة بحيث ان هذا الورق يكون زايد مع الاطراف يعني ما تقصينه على حد الصينيه، بل خليه اكبر شوي عشان يرتفع من الجوانب و يغطي الاطراف كلها حقت الصينية، و ادهنيه بزبدة ايضا اذا ما عندك ورق زبدة من رايي الشخصي انك تغلفين الصينية من الداخل مثلا بقصدير و ادهنية بزبدة الان بعد ما جهزنا الصينية، ضعي مقادير الطبقة الاولى بالصينية، و اخلطيهم معا جيدا، بعدين اضعطيهم و خلي الطبقة مرتفعة مع الاطراف 3 سانتي و حطيها بالفرن لمدة 6 دقائق فقط ****** الطبقة الثالثة ( ملاحظين اننا بنسوي الطبقة الثالثة قبل الثانية و بنتركها على جنب) 5 ملاعق زبدة دافية و ليس مذوبة يعني بدرجة حرارة الغرفة ثلث كوب سكر بني 3 ملاعق سكر عادي او مطحون شوي ملح 1 ملعقة نكهة فانيلا ثلاث ارباع كوب طحين 1 كوب شوكيليت شيبز يعني حبيبات الشوكولاته الصغيرة الي يحطونها بالكوكيز بالخلاط، اخلطي الزبدة و السكر و الملح و الفانيلا الييييييين ما يختلطون زين بعدين شوي شوي اظيفي الطحين و اذا اختلط زين، اظيفي حبيبات الشوكولاته بالنهاية و حركية بيدك و ليس بالخلاط و بعد ما تخلصين خلي هذي الخلطة على جنب بعد شوي بنستخدمها ******* الطبقة الثانية (الوسطى) الحين بنسوي الطبقة الوسطى، يعني الطبقة الثانية و هي البيضاء الي بالصورة المقادير: 1 علبة جبن فيلادلفيا مقاس 10 اونص، او اذا ما عندك حطي 9 حبات كيري ربع كوب سكر مطحون 1 بيضة 1 ملعقة صغيرة فانيلا اخلطيهم بالخلاط الى ما ان يختلطون جيدا **** الطريقة: ضعي الطبقة الثانية فوق الطبقة الاولى، يعني طبقة الجبن فوق طبقة البسكوت بعدين بالملعقة اغرفي من الطبقة الثالثة و حطيها فوق الثانية شوي شوي و عادي مو لازم السطح يصير متساوي يعني خلي فيه هضبات مو مشكله زي الصورة فوق، اخبزيها بالفرن لمدة 30 دقيقة بعد كذا طلعيها من الفرن و خليها تبرد شوي و حطي فوقها الشوكولاته السائلة للتزيين خليها بالثلاجة الى ان تبرد تماما يكفي ساعة بعدين طلعيها من الصينية باستخدام القصدير او ورق الزبدة الي قلت لكم عليه بالبداية انا قلت لكم خلو القصدير زائد مع الجوانب عشان تقدرون تطلعوها و بعد كذا قطعي الحلا و بالعافية اتمنى شرحي واضح و اي سوال انا حاضرة شوفوا هنا فيه صور للخطوات اذا تبون تشوفون الصور http://smittensugar.blogspot.com/2009/11/chocolate-chip-cookie-dough-cheesecake.html

تفضلوا يا بنات هذي الترجمة للغة العامية و ترى حطيت اضافة من عندي عشان اوضح لكم بعض الاشياء شكلها...