((( طلب جماعى )))).....بعد أذن المنتدى

ممكن يا ام علاء نطلب منك طلب ؟؟؟؟؟؟؟
واعتقد انه طلب جماعى
وان شاءالله هو طلب بسيط ومفهوش حاجة حتضايق المنتدى ولا حتأثر علية
لانه حيعود بفايدة على البنات ويسهلهم عملية البحث وعلى فكرة الطلب دة انا شايفة انه حل مفيد جدا لان اللى يهم الادارة اولا واخيرا هو راحة المشاركين فى عالم حواء
والطلب دة مش صعب تنفيذه بالعكس وهو
تثبيت فهرس الموضوعات الكبيرة وخصوصا اذا كان عليها الطلب من العضوات
لان الموضوع اللى فية فهرس بيكون مفهوش اى ردود وبالتالى حيرجع للصفحات الخلفية
لكن الموضوعات اليومية بتجيب نفسها بنفسها للامام
واعتقد معلش على قد تفكيرى ان الادارة يهمها عضواتها وراحتهم وطلباتهم اذا كانت فى حدود المستطاع لان اذا كانت العضوات مرتاحة فى المنتدى دة بيعود بالخير على المنتدى نفسه زى منتدى عالم حواء فالحمد لله حصل على المركز الاول مش من فراغ ....... ولا لا من مجهود الادارة لوحدها ...لكن النجاح بيتنسب اولا لمجهود العضوات اللى فية فلولا نشاطهم ومجهودهم مكنش المنتدى يحقق اى نجاح
وثانيا نجاح المنتدى بيعود بالفوايد على اصحاب المنتدى واولهم النفع المادى ثم الادبى ثم الاجتماعى لكن العضوات أية اللى بيعود عليهم ؟؟؟؟ ؟؟؟؟؟؟؟ غير تعارفنا ببعض وحبنا لبعض حتى من غير مانشوف بعض دايما بنسئل على بعض
وعلى فكرة موضوع التثبيت دة سهل جدا فى كل المنتديات الا هنا ....لية؟؟؟؟؟
عموما ربنا اللى يعلم انى بعتبر عالم حواء دة جزء جميل من اسرتى وبحب كل المشرفات اللى اتعاملت معاهم وكل بنات المنتدى انا بحبهم جدا وطلبى هو بعد اذنكم طبعا وبعد اذن قوانين المنتدى ان يثبت موضوع فهرس
ام العلاء
وموضوع فهرس رونى
واقسم بالله العظيم انى لا اريد ان اثبت فهرسى انا خلاص خلصته ممكن تفكوا تثبيته يمشى زى مايمشى
وارجوا ان يؤخذ رأيى بصدر رحب ومحدش يزعل منى وانا بعلن انسحابى علشان نفضل حبايب زى ما احنا الى ما شاء الله
واشكــــــــــــــــــــركم