طالما انت عروس جديده
فما اعتقد يمديك سويتي كل هالحركات الموجوده هنا
انا ولي اكثر من عشر سنين ما لحقت
على نصفها
هههههههه
اذا ما كانت عندك روابط لليالي الرومانسيه
اجتهد لك وساكتبها

وبالنسبه للهديه
شنو يحب زوجك اكثر
العطور الملابس الكتب
ممكن اقول ايه اللي تحسينه ناقص عليه وتوفينه له

ابتكري مجموعة هدايا ورتبيها بنفسك
لاتروحين حق المحل وتخلينهم هم اللي يرتبونها

شغلي مخك شوي
وان شاء بنساعدك كلنا

اما فكرة المكان فأنا ممن يفضل الدار
واسعدك الله معه في كل الاوقات وفيما يرضي الله

مشكووووووورة اختي على الرد :)
انزين ما قلتيلي شو هاذي الحركات ؟؟؟؟؟؟؟ انا الصراحة ما لي خلق افتح الف صفحة بالمنتدى عسب اعرف شو الحركات :27:

يا ريت اختي تعطيني كم فكرة تكتبينهم لي هني او تعطيني الوصلة ... اذا ما في مانع :23:

وانا خلاص حطيت في بالي شو الهدية الي باخذها .. بس ما بقولج شنو هي :p
وانا الصراحة ابي احيي ليلة حلوة مثل ما يقولون ليلة رومانسية ما تنسي :32: :24: :26:

وان شاء الله بخبركم بهالليلة اذا عجبت زوجي :)

واريد المزيد من الافكااااااااااااااااار؟؟؟؟؟؟؟؟

ان شاء الله كل ليله في حياتج تكون ماتنسى وظل رومانسيه

شوفي اول شي

انتي روحي حجزي في الفندق واعمليها مفاجأه
زهبي باقة ورد له وخليها في غرفة الفند ق والهديه بعد

افتحي الدولاب واختاري احلا ثوب نوم لك ويفضل يكون جديد وماشافه

اختاري افضل العطور اللي هو يحبها واخذيها معاك

لا تنسين الكوافير روحي غيري من شكل شعرك

كوني اكثر نعومه بعمل الحمامات المغربيه والبخار

اشتري له اكثر من هديه اي تكون مجموعه وخلي كل وحده في غلاف لحالها
لان الزوج يفرح مثل الطفل بكثرة الهدايا وعن تجربه

اخذي له كم قطعة قماش للدشداشه - الثوب-
اخذي له حذاء جديد
خذي له شماغ
خذي له عطر
خذي له كتاب فيه اذكار لله

روحي صوري صوره حلوه لك حطيها في غلاف حلو وقدميها مع الهدايا

وطبعا اذا تبين في البيت

اشتري مفارش جديد للسرير

و بعض الابجورات

و تزين المنزل

واشتري له كيكه

شغلي المسجل على صوت طيور او صوت البحر وخلي الصوت عالي

طفي الاضاءه

خلي الابجورات شغاله

نزلي الستاير

خلي الابتسامه هي الشي الوحيد اللي على وجهج


وكل عام وانتم بالف خير

أول شي حبيت أنصحك تقدمينها يوم أو تأخرينها يوم..

حتى تبعدين عن الحرام وغضب ربي..

ثاني شي..بقول لك أفكاري وخذي اللي يناسبك..

* حلو تسوينها بفندق في سويت معتبر يستاهل ليلتكم الحلوة..

وهناك لو قلتوا لهم أنها ذكرى..راح يقومون باللازم من كيكة وعصيرات وورود

* فصلي فستان لليلتكم الحلوة

* وسوي بلياج لشعرك وتسريحة حلوة لوبسيطة

* خذي معك ملابس مناسبة شي للنوم وشي للجلسة

* خذي كريماتك وماكياجك وعطوراتك

* خذي لة شورت وتي شرت..وعطر جديد لة

* تعطري بعطر يوم زواجك أو حق شهر العسل..

* جيبي لة جوال أو ساعة ماركة..أو لو كان يرغب شي معين..

* جهزي الغرفة حقتكم بمفرش جديد لو رجعتوا لة..

* ولاتنسين رسالة معتقة أفخم تكتبين فيها مشاعرك وحُبك لة

وتبروزينها إذا قرأها لحفظها وعلشان تشوفونها دايم وتذكرون الليلة الحلوة..

وبقولك طريقة التعتيق تراها تعطي فخامة وروعة وغير إنها من شغل يدك..

جيبي ورقة الطباعة العادية وأخلطي نساكفة مع شوية موية..

وأمسحي بقطن الورقة من ورى وقدام وبعدين نقطي عليها على خفيف..وعفطيها

وأتركيها تنشف ..أحرقي أطرافها وأكتبي فيها مشاعرك..لفيها بشكل أسطواني وأربطيها بشريطة ستن..

و تقبلي تحياتي

مشكووووووورين خواتي ونة خفووق و al-roro

ما قصرتو والله ان شاء الله اخدمكم :27:
المهم للأسف ما اقدر اروح فندق مع انه كنت اتمنى اروح الفندق الي نمت فيه يوم عرسي:44: بس للاأسف عندي دوام مدرسة وما اقدر اتغيب لأنها فترة امتحانات .......:06:
المهم يعني قررت اسوي سهرة بالبيت حاليا ابي سهرات للبيت ...:21:
ويا ريت تراعون انا مشكلتي خجولة ومب جريئه على اي حركة ... شو تنصحوني :29:


:24: :26: :24: