شوفي انا مو شاطرة في التسريحات بس أعرف الاساس فبكتب لكم اللي أعرفها وان شا الله تستفيدون واذا ما استفدتوا اقدم لكم كل اعتذاري على وقتكم المهدور في قراءة كلام ما راح يفيدكم ....
$ بعد ما تسشورين شعرج عدل تربطينه مثل ذيل الحصان وتخلين الربطة قوية يعني ما تنفك ولا تكون لينة علشان تطلع التسريحة مرتبة ..
$ بعدين تاخذين خصلة من الشعر وتمرين بها على الربطة اللي ربطي بها شعرج ذيل حصان علشان ما تبان وتدبسينها بالشباصات السود الصغيرة
$ تاخذين جزء من الشعر يعني قولي بتقسمين شعرج نصين النص اللي فوق بتمشطينه عدل لفوق وبتحطين عليه رذاذ المثبت يعني انتبهي انج ما تخلين المثبت قريب من الشعر علشان ما يطلع شعرج واقف
$ يوم تحطين المثبت على شعرج شوية طبعا تقومين وتلفين الشعر على اصبع السبابة والوسطى وهم مجموعين ويكون اتجاه اللف لفوق لغاية ما توصل اللفة لمكان الربطة اللي ربطنا فيها الشعر وثبتيها بدبابيس السود الصغيرة والخفيفة وبعدين فرقي اللفة شوي يعني لا تخلين الشعر ملومو على بعض وايد علشان الشكل
$ ونفس الشي بالنسبة للخصلة الثانية بس لفيها لتحت
$ وبعدين تشوفين اذا في شعر صغير طالع من التسريحة يعني ترشين شويه من المثبت على التسريحة كلها بشكل عشوائي وبأصابعج تطبطبين على الشعر شوي شوي علشان تتثبت .
$ واذا عندج كريستالات صغيرة تقدرين تحطينها على الشعر بشكل متناسق
وممكن بدل ما تسوين لفتين تسوين 3 وممكن بعد انج تسوين لفتين وتخلين خصلة نازية من تحتي يعني كم خصلة خفيفة وتلفينها بالفير يطلع شكل التسريحة حلو
شوفي انا مو شاطرة في التسريحات بس أعرف الاساس فبكتب لكم اللي أعرفها وان شا الله تستفيدون واذا ما استفدتوا اقدم لكم كل اعتذاري على وقتكم المهدور في قراءة كلام ما راح يفيدكم ....
$ بعد ما تسشورين شعرج عدل تربطينه مثل ذيل الحصان وتخلين الربطة قوية يعني ما تنفك ولا تكون لينة علشان تطلع التسريحة مرتبة ..
$ بعدين تاخذين خصلة من الشعر وتمرين بها على الربطة اللي ربطي بها شعرج ذيل حصان علشان ما تبان وتدبسينها بالشباصات السود الصغيرة
$ تاخذين جزء من الشعر يعني قولي بتقسمين شعرج نصين النص اللي فوق بتمشطينه عدل لفوق وبتحطين عليه رذاذ المثبت يعني انتبهي انج ما تخلين المثبت قريب من الشعر علشان ما يطلع شعرج واقف
$ يوم تحطين المثبت على شعرج شوية طبعا تقومين وتلفين الشعر على اصبع السبابة والوسطى وهم مجموعين ويكون اتجاه اللف لفوق لغاية ما توصل اللفة لمكان الربطة اللي ربطنا فيها الشعر وثبتيها بدبابيس السود الصغيرة والخفيفة وبعدين فرقي اللفة شوي يعني لا تخلين الشعر ملومو على بعض وايد علشان الشكل
$ ونفس الشي بالنسبة للخصلة الثانية بس لفيها لتحت
$ وبعدين تشوفين اذا في شعر صغير طالع من التسريحة يعني ترشين شويه من المثبت على التسريحة كلها بشكل عشوائي وبأصابعج تطبطبين على الشعر شوي شوي علشان تتثبت .
$ واذا عندج كريستالات صغيرة تقدرين تحطينها على الشعر بشكل متناسق
وممكن بدل ما تسوين لفتين تسوين 3 وممكن بعد انج تسوين لفتين وتخلين خصلة نازية من تحتي يعني كم خصلة خفيفة وتلفينها بالفير يطلع شكل التسريحة حلو
يعني هاي الاساس اذا ضبطي الاساس تقدرين بعدين تبتكرين اشياء وايد بروحج
المهم اتمنى من كل قلبي اني قدرت أوصل الفكرة لكم
اختكم
ضوء القمر 16