طلب خلطات لتفتيح الركب والاكواع و الابط ومفاصل اليدين>>عنوان معدل/قديم

تكفون يا جماعة الخير ابي فزعتكم
انا الله يسلمكم جديده بمنتداكم وداخله على الله ثم عليكم ، بقولكم سالفتي من الاول ، انا ياطويلين العمر زواجي بعد 3 شهور بس عندي مشكله عويصه اللي هي سواد المفاصل
<<لاحظوا اني قلت سواد مو سمار يعني الركب والاكواع و الابط ومفاصل اليدين والرجلين والطآمه الكبرى المنطقه الحساسه رايحه فيها من السواد تخيلوا مابقى خلطة تفتيح طبيعيه ما استخدمتها لهم بس ولاشي فاد معهم وتحطمت :44: قلت مالي الا كريمات احسن ، وقبل فتره كنت احوس بالنت على نور يضوي الظلمه اللي عندي فجأه احصل خلطة كريمات لتقشير وللتبييض وصاحبة الموضوع تتكلم عن تجربتها وهي واثقه وتحلف انها روعه ومدري شنو ، المهم انا استانست قلت بس جابها الله ذا الحل لمشكلتي ، وانزل اقرا الردود وليتني مانزلت نصها>>تحطيييييييم<< ونصها>>مدح<<واللي تقول والله خربت بشرتي واللي تقول والله فتحتني وبيضتني واللي تقول وربي تسبب حساسيه واللي تقول ما انصحكم فيها لان فيها كرتزون واللي تقول روعه جربتها اخت زوجي جربوها وكل وحده تحلف من جهه وانا اللي راسي يفتر ولا ادري مين اصدق وتدرون زواجي مابقى عليه شي ما ابي اتهور وارمي بنفسي الى التهلكه دامني مو متأكده ، قلت بشوف خلطه غيرها واللي بعدها نفس الردود ونفس الحلف ، قلت بشوف خلطات غيرهم ونفس المدح والذم بكتب لكم الخلطات بنهاية الموضوع بس تكفون ياجماعة الخير أسألكم بالله الذي لايسأل بوجهه الا الجنه انكم اذا تعرفون شي عن الخلطات ذي او جربتوها وفادت معكم او مع احد من اهلكم انكم ماتبخلون علي بالفائده تكفون والله كل ما اناظر بجسمي بالمرآيه تلوع جبدي شلون جبد عريس الهنا:09::44::icon33: واذا جربتوا شي غيرها وفاد ياريت ما تبخلون بتجاربكم علي وهذي الخلطات : الخلطه الاولى : الدوكين فورت+ريتن اي+افالون+الكوم الخلطه الثانيه : رتن اي+الكوم+الدوكين فورت+ايفون بالخيار والكالسيوم الخلطه الرابعه : الدوكين فورت+diprosalic وبس.... تكفون ما ابي تطنيش وكلمة سمعت انه.... او يقولون انه.... ما ابيها لو سمحتوا اما تكون عن تجربه شخصيه ولا بلاه واذا عندكم تجارب مع كريمات وجابت نتيجه معكم ياريت ما تبخلون علي فيهم <<طراره وتتشرط لاتقولون خلطات طبيعيه ومدري شنو ترى والله لاعت جبدي منها مليت وياريت تبين نتيجه " طل " حتى تغيير درجه وحده مافيه المهم اللي بتفيدني لها دعوه من قلب بأذن الله تستجاب وربي لأدعي لها كل ما سجدت في صلاتي طول عمري ومره ثانيه اقول تكفون لاتطنشوني لأني وربي محتاجه ومشكورين مقدما>