طلب خواتي وشولن ترتبون شنطكم وين تحطونها اذا فيه شي خاص لهم تكفون

بقول لك على الشنط عندي ..

عندي بغرفتي دولاب جانبي صفيتهم فيه .. بس جنب بعض

وكل وحدة محشية بالورق اللي جاء معها وهي جديدة..

للمحافظة على الشكل .. وكل واحدة بكيسها وبس ..

وعلى فكرة لاتخلينهم يكثرون عندك وزعي على أخواتك وتصدقي منهم

وفقك الله ..

وش احط ياختي قراطيسهم تسلم عليتس بالزباله الله يكرمتس والله لو اصفهم ماتجي وشولن دولابي جاي زي المايل من جو ومايصلح اصف فيه

وتقولين عطي خواتك لو ما اعطيهم كان عندي محل اللحين

وبعدين انا احتاج كل شوي وحده يعني كل اسوبع لي استخدام منها كم وحده يعني ابيهم موب فوق بعض لا ابيهم زي المصففه وشولن بالله عليك مافيه دولاب خاص لكذا يرتب فيه والله اني احترت

واغلبهم مافيهم اكياس بس كان فيهم قراطيس من داخل بش شايتتهم ما احب احط شي في وسطهم نطل على طول ماعندي وقت خخخخخخخخخخخخخخخخ

والله العظيم اتكلم جد واني زهقت عشان كذا اسلكم وودي من زمان ساله بس قلت اجرب وكل تجربه مافيه فايده زياده عفسه على عفسه:30:

انا كنت محيوسه مرررره


فصلت سرير شفتي هاذا اللي تتركين عليه اللي يكون عاالجدار خليته زي الدرج ينسحب على برا يعني جهة المخدات وحطيتم بالطول

والله نفس الشي حوسه بس احسن حل سويته

نفس حوستي مع الشنط :)

رح اقول لك نصيحتي حسب خبرتي

للمحافظة على الشنطه

عن نفسي كنت احافظ على ورق الي يجي مع الشنطه للمحافظه على شكلها خصوصا الجلد

واذا ماعندك ممكن تستخدمي ورق الجرائد او المجلات القديمه

وخذي لها اكياس قطن مثل الي تجي معاها وهي جديده (للشنط الي مالها اكياس)

واذا يكون قطن خفيف افضل وافضل رح تشوفي الشنطه من دون ماتفتحي الكيس

اذا مالقيتي غير الثقيل ممكن تعملي بطاقات عليها تكتبي لونها او وصف لها

((الاكياس رح تلاقيها بمحلات الجمله للاكياس)) ...



بالنسبه لتخزينها

انا ماعندي مساحه في الدولاب للتخزين فكنت احفظها في شنطه سفر صغيره استخدمها للرحلات

بكل شنطه مغلفه عشان ماتغبر ولا تتخدش وو وارتبها واصفها ووقت مااحتاج شنطه اخذ او كل فتره ابدل بينهم

-------------------------

عندي فكره لك لكن انا ماطبقتها وممكن تفيدك

اذا عندك مساحه بجانب الدولاب ممكن تعملي علاقات صغيره الي تلصق في الجدر او الدولاب وتعلقيها فيها مع التغلف لكل شنطه مثل ماسبق

+

فكره ثانيه (( انا ماعرف حجم الشنط فنصيحتي لك تقسميها قسمين))

الشنط الصغيره للسهره والي فيها كرستال او اوا او حافظي عليها في درج مثلا من الدراج التسريحه او تعلقي كل وحده مع فستانها اوجزمه الشنطه نفسها او او ----الخ

الشنط اليوميه مثلا اذا كبيره الحجم تستخدمي معاها طريقه جنب الدولاب او في باب الدولاب من الداخل

^^^ هذي الفكره من قسم التنظيم وحده من الاخوات نزلتها من قبل ان شاء الله اذا لقيت الموضوع نزلته لك



اذا كانت هذي اكثر فكره ناسبت الشنط معاكي ممكن تستخدمي معاها نفس فكره التغليف بالاكياس

وعشان الترتيب مفتوح وممكن ياخذ غبره واتربه ممكن تاخذي اكياس اورقنزا بلون واحد عشان يكون شكلها مرتب

وممكن في قمه الكيس تعملي شرايط او ورد مجفف عشان يكون شكلها مرتب ومايضايق النظر

هذا الي يحظرني الحين واذا لقيت شي ثاني رجعت :)

ان شاء الله افدتك ...

ضحكتني
وانا ودي افتح باب الشارع من الزهق وانطلهم:icon33:

شوفي ياقلبي فيه دولاب طويل ونحيف مثل ادراج الحمام اذا بغيتي دواليب او ادراج تنباع بايكيا تسحبين الدرج او باب الدولاب

وفيه مثل الشبك الوان المعتق والبني والابيض

شفت عند زوجة اخوي مثله مره مريح ماشاء الله بس مشكلته مفتح يعي زي الشبك وهو دولاب

فالافضل الاول

وفيه خزانة قماش متنقله تتعلق بالدولاب داخل للجزم اكرمكم الله او لأي غرض

خذي الكبير اللي فتحاته كبيره عشان يقد للشنطه

دورت له صور ولقيت هذا يشبه له




انا كنت احطها بالشوفونيره وحدة الادراج اللي مع الغرفه بالدرجين اللي بالوسط ولما شريت العلاقه ارتحت >>ما اعرف اسمها

مثل هذي تنفع



وتحصلينهم بايكيا واذا دورتي بمكان ثاني ممكن تلاقين بكيكا او هوم بلازا


اتمنى اكون افدتك