طلب زوجي بوقت غريب

السلام عليكم .. انا مو على بعضي من حصل الموقف اللي بذكره
زوجي كانوا عنده اصدقاءه .. وجاء بعد ما جو عنده بربع ساعه واخذ البليستيشن قال جايبين افلام بنتفرج ( قالي اسم الفلم وزوجي من الاول يقولي ودي اشوفه وهو ممنوع هنا صديقه جايبه له من برا مو وسخ الفلم سياسي بحت )
راح ورجع لي بعد ساعه كنت بالصاله وزوجي جاء وطلبني .. انا كنت منسدحه اتفرج على التلفزيون ومتغطيه بشرشف كلي يعني وضعي عادي مافيه اغراء
قلت وش الطاري واخوياك .. قال يتفرجون على الفلم الحين ارجع لهم .. وصار اللي يبيه ورجع طلع لهم
انا مو مرتاحه والشيطان يوسوس لي من امس ليش جاني يبغى .. احسهم يشوفون اشياء غلط او يمكن يكلمون بنات مدري اي شي بس طلب زوجي لي بهالوقت شي مو طبيعي
بنات وش تنصحوني اسوي كيف اتأكد .. حتى هو ملاحظ اني متغيره كل شوي يقولي وش فيك تعبانه ؟ قلت لا مافيني شي قال الا فيك ليه متضايقه
ما ادري وش اسوي اول مره اتعرض لهالموقف انصحوني بعقل