أنا موظفة وعندي طفلة عمرها أربع شهور ومن كثر مانسمع عن مشاكل الشغالات لا ااااايمكن أخلي بنتي مع شغالة ماتخاف الله 0
فما لقيت قدامي إلا اني أخلي بنتي في حضانة بس المشكلة ان مدرستي بعييدة شوية عن بيتي تقريبا مسافة نص ساعه لذلك لازم تكون الحضانة في نفس الحي إلي فيه مدرستي علشان المواصلات وضيق الوقت في الصباح ما أقدر أخليها في حضانة بعيدة
المشكلة ان الحي إلي فيه مدرستي مالقيت فيه حضانة مناسبة ياإما تكون الحضانة سيئة جدا من ناحية النظافه والإهتمام أو انها غير مرخصة يعني وحدة فاتحه حضانة في بيتها وزوجي رافض هذا النوع من الحضانات لأنها غير مضمونة كأني حاطه بنتي في بيت ناس ما أعرفهم ولو صار شي لاسمح الله أحاسب مين
في الأخير فكرت في فكرة لعل فيها حل لمشكلتي
الحل إني أخلي بنتي في البيت مع جليسة أطفال سعوووودية بشروط معينه
أولا : تكون ذات أمانة ودين وتخاف الله
ثانيا : لايقل عمرها عن 40 عام
ثالثا : حبذا لو كانت تعرف تقرأ علشان تقدر تقرأ مكاييل الرضعه أو تعليمات الأدوية لو لاسمح الله بنتي مرضت مثلا
والله بتكون معززة مكرمة كل إلي أبغاه منها انها تجلس مع بنتي وتراعيها وتشوف احتياجاتها كاملة من نوم وأكل وشرب ونظافه بس
يعني مالها أي علاقة بشغل البيت أو النظافه وغيرها أبغاها مربية فقط أو بمسمى آخر جليسة أطفال وان شاء الله مانختلف على الأجر
أرجووووووكم إلي تعرف وحدة محتاجة وبهذي المواصفات ياليت تراسلني على الخاص بأسرع وقت ممكن لأن إجازتي بتنتهي بعد اسبوع
والله أعرف ان فيه أرامل وأسر محتاجة وتتمنى تلاقي شغلة تغنيهم عن الحاجة وممكن يكون في هذا العمل تفريج لهم ولي
والله إلي بتساعدني بتكسب فينا أجر
حرم عبودي 6000 @hrm_aabody_6000
عضوة فعالة
هذا الموضوع مغلق.
حرم عبودي 6000
•
رفع
رفــــــــــــــــــــ :) ــــــــــــــــــــع
سبحــــــــــــــــــــــــــان الله وبحمده
سبحــــــــــــــــــــــــــان الله العظيم
سبحــــــــــــــــــــــــــان الله وبحمده
سبحــــــــــــــــــــــــــان الله العظيم
لا يمكنك مشاهدة هذا التعليق لانتهاكه شروط الاستخدام.
أنا ياعزيزتي ساكنة في جنوووووووب جدة في المنتزهات
ومدرستي في حي الصفا قريبة من مستشفى العيون يعني لازم تكون الحضانة في حي الصفا
ومدرستي في حي الصفا قريبة من مستشفى العيون يعني لازم تكون الحضانة في حي الصفا
الصفحة الأخيرة