طلب لبنات الإمارات فقط !

يا هلا والله بالأميره

انا اعرف محمصة الدوري
و محمصة الصوفي أحلى شي في البن ( وجهة نظري طبعا)


بسأل المختصين و برجع لج.. بس ياريت تحددين لي الامارة بالضبط

هلا الغالية ام حمودي الحلو شكراً على ردج الحلو بالنسبة لي أنا من العين بس عادي عندي أسير لأي مكان في الإمارات و بالنسبة لمحمصة الدوري و محمصة الصوفي أتمنى تقولين لي وين مكانهن بالضبط علشان أزورهم و بشتري من عندهم كميات لأني تعبت من القهوة اللي عندنا موب شيء ... بانتظارج الغالية و الله يخليلج حمودي الحلو
:24:

هلا الاميرة اوديت

بالنسبة للدوري فهي لها فروع وايده في الامارات.. اعرف انها موجوده في دبي و راس الخيمه واعتقد الشارقه

اما للصوفي فهي موجوده في راس الخيمه.. و ما ادري ان كان لها فروع في مكان ثاني..


بس حبيت اسألج... شو نوع القهوة اللي طالبتنها؟؟ هي قهوتنا العربيه العادية والا التركيه والا شو؟؟؟؟

هلا ام حمودي الحلو شكراً عزيزتي على توضيح أماكن هالمحمصات و إن شاء الله بزورهم و نوع القهوة اللي سألت عنها هي قهوتنا العربية ، مع تحياتي :26:

مرحبا الأميرة أوديت ..

عندج المنصور إللي في كارفور ..

عنده 4 أو 5 أنواع للقهوة ..

و أفضلها طبعا القهوه السيلانيه الكيلو بــ 50 درهم ( وجهة نظر .. و يحبها شوابنا):42:

و ممكن تطلبينها بالهيل أو بدونه ..

وو بالعافيه على قلبج حبوبه ..:21: