طلب مساعدة من معلمات الأقتصاد المنزلي

السلام عليكم ورحمة الله وبركاته
الطبخه ذي لها عدة مسميات
انحن كنا نسميها خبز تاوه مع اننا نسويها بقدر
ونسميها ايضآ خبز دهن مع اننا نسويها بالزيت

وكنا زمان ايام الصغر والنقش على الحجر (منول)
نسميها خبز داوه لان تعرفون اول مخارج الحروف دمار
وكانت من ازين الاكلات لنا انحن اهل سدير
وكانت بريك فاست حقنا

نبداء بالطريقه مع العلم ان الصوره ملطوشه

اولآ نقول بسم الله الرحمن الرحيم ونتوكل على الله
علشان ماتخرب وتصير وش زينها


اول شي نجي للمقادير

1- دقيق بر على حسب الكميه )

2- شويةخميره فوريه

3- ملح شوي وشوية سكر مطحون فنجال على حسب المزاج
وبيضه دجاج واحده مهب تجيبون بيضة نعام تراها مهب زينه
بيضة دجاج واحده فقط
علشان مايحوق الدعوى ويطلع الخبز سندويش بيض

4- حبة سوداء وفيه ناس مايحطون
انا من ناحيتي ما احطها لانه تنشب بالضروس

5- شوية زعفران ان وجد وان كان مافيه الله يخلي الصفار

6-قليلآ من الهال والله من زين الامور هيل علشان تزين الطبخه
وتخليها من ناحية الطعم الذ طبعآ مطحون

7- طبعآ اهم شي الماء لومافيه مويه ماقدرنا نزينها
من زين الطبايع جايب شي جديد

توضع جميع المقادير ونقوم بعجنها وتعجن جيداً
تترك لتخمر مدة 45 دقيقه
وبعد مانعجنها نحمي الزيت اللي في قدر القلي
اللي مسوين فيه قبل وموزينه بالفرن

نقوم بالعجن جميع المقادير
وتصير كذا


نخليها 45 دقيقه
على فكره مانخليها سايحه نجعلها متماسكه زي الصوره

ثم نقوم بتكويرها
زي كذا



والله اللي مزينها مكثر الحبه السوداء الله يعين ضروسهم

وبعد هذا نروح لقدر الزيت (القلي) اللي مسوين فيه قبل وموزينه بالفرن
نشوف هو صار محتمي
ونقوم بفرد التكوير باليد وتصير خبزة عجين

ونذبها بالزيت
زي كذا



ملاحظه مهمه لاتذب وجهك عند القدر علشان مايطشر عليك الزيت ويحرق وجهك

ثم نقوم ونجيب قدر ونخلي في وسطه ورق اللي يشرب الزيت
كنا منول نحط جرايد ومن زين الامور تلقى في وسط الخبزه
مكتوب جريدة الجزيره منول وسع صدرك

وبعد الانتهاء من القلي
نقوم باحضار صحن التقديم



بالهنا والعافيه

الحين الامريكانيين لطشوها من عندنا وصارو يسمونها بان كيك
هذي خبز تاوه يا اللطاشين ياحقين البان كيك

وممكن نسوي منه عفيس
لا والله جايب شي جديد

منقوووووووووووووول:cook:

:D:Dهههههههه شكرا والله وسعت صدري
ادري يابعدحيي وحنا اهل حايل نسوي التاوه
لكن االبان كيك زي الرغفان بس اسمك شوي وش جابها للتاوه

ياحيي الفزززززززززززززززعه