طلب من بنات الكويت خاصة والخليج عامة000000000

السلام عليكم ..

شوفي اختي احنل في الكويت صرنا نادر ما نسويها ,, بس بقولج على اليلوه عندنا
طبعا تلبس العروس اخضر و هامة و ذهب من حزام و غيره .. بس تكون عندنا محنية ايدها و خالصه في الصالون تكون ناقشه نقشه بالحنة اهي و رغبة العروس .. و يكون شعرها مفتوح على طوله .. و سمكون 6 بناات او حسب الغطاااء اللي يهفووون فيها عليه و تكون العروس تحته قاعده على كرسي و يكونون لابسين ثوب شفاف اخضر ..
و يغنون لها .. عااااد الاغاني انتوا يا اهل الامارات ابخص .. انا مو مثبته اغنية بس اتوقع يحطون هب السعد ..

و هذه معلوماتي .. لانهاااا منقرضة عندنا تقريبا اليلوه .. بس اذا في افكار قوليلي عليها لاني ناويه اسويها .. طبعا مو الحين بعد شهر ان شاء الله ..


و سلامتج

تسلمين يا اخت رزينه على هالمعلومات بس انا سمعت ان اليلوه لها غنيه محددة وبعدين ما تسون صينيه للحنه اذا تعرفين ابي افكار حق الصينية 0000و شو نوزع للمعازيم وسمحيلي اذا كثرت عليج بالاسئله

شوفي أنا اسألج و اقولج ... ان شاء الله ارد عليج قريب :)

السلام

انا صراحه ما اعرف بهالسوالف ... بس حبيت افيدج ان الأغنيه مالت اليلوه اسمها

امينه في امانيها
مليحه في معانيها
تجلت وانجلت حقا
عسى ربي يهنيها .... والباقي عليج

اوضاح

هلا اختي
عندنا ليلة الحنة يتفننون فيها
نحطها في فندق فخم ( يوم الربوع كانت ليلة وحدة من معارفنا في الانتركونتنتل )
وتكون العروسة لابسة اللباس الخاص باليلة وتكون ماهي مطلعة غير عيونها
يعني متلثمة بشئ والله ما ادري شسمه بس يكون كله زي القروش الذهبية
وطبعا تكون ناقشة يديها ورجولها
والشعر احيان تكون فاتحته
وفيه ناس يحطونه ظفيرة
وتكون حاطة مكياج بس ما يبان غير مكياج العيون
وطبعا تكون فيه طقاقة تحيي الحفل
وسلامتك

تحياتي