(( طلب من بنات الكويت .. صاحبات الذووق الرفيع )) ؟.؟

حياك الله حبيبتي في ديرتك الثانية وان شاء الله تستانسين عندنا وتحصلين كل اللي تبينه ... بالنسبة للاسواق فيه اسواق كلها ماركات عالمية مثل (( سوق الفنار وليلى غاليري وشرق والمهلب ومارينا مول ومجمع البستان )) وفيه اسواق ما فيها محلات ماركات الا قليل يعني مثل (( سوق الكويت عمارة السيارات وسوق الحمراء مول والعربيد بلازا والصيفي بالاس في الفروانية وفي حولي مجمع النقرة الشمالي والجنوبي ومجمع الايوب ومجمع الراية )) هدا اللي ادكرة ولي عودة اخرى ادا تدكرت شئ واسمحيلي على القصور

عندج الافنيوز فيه محلات مثل طريقه محلات الفيصليه كلها بلايز وبناطيل وماركات اوربية مثل H.M ودبنهامز ونكست ......الخ

وعندج بعد محلات العبي والملافع في الفروانية مجمع العربيد وسنتر النمران والصيفي بلازا

وعندج بعد طبق الاصل من دراريع انسام الخلف في الفروانية مجمع العربيد ورى الجمعية كلها مشاغل للدرايع البيت والاستقبالات للمناسبات


وبالنسبة للمواعين الكشخة عندج المبروك في الشويخ بجانب سنتر بوينت لاند مارك سابقا
ومحل الشلاحي في مجمع الاوقاف في الكويت
والاسواق الشعبية طبي وتخيري اللي تبينة عندج سوق الميرة في الشويخ وسوق لندن في الشويخ

وسلامتج

مشكورين فديتكم ماقصرتووووا كفيتوا ووفيتوا .. ألف شكر وجزاكم الله خير ..

من دار بو مبارك حبيبتي بسألج .. محلات العبي اللي ذكرتيها كلها في الفروانيه ؟ لأني أبي أفصل عبي كشخه ..

وبالنسبه حق محلات الدراريع .. هل اهي في مجمع العربيد نفسه ولا شنو ؟؟ << مافهمت عدل

والله يعطيج العافيه ..

اسفه يالغاليه على التأخير

اي اكثر من محل في الفروانية واغلبهم كشخة وعملي في مجمع العربيد وسنتر النمران والصيفي بلازا

بالنسبة للدراريع لا مو نفس العربيد مال العبي

اكو العربي دثاني اللي ورى جمعيه الفروانية بالضبط هذا للدراريع

وحياج الله بينا يالغاليه