طلب من بنات قطر!

هلا والله اختي .... اكلاتنا الشعبية كثيرة منها الحلو ومنها المالح ... حددي وين تشوفينها بالضبط على اي برنامج .. وعد مني بعد العيد انزل كل الاكلات الشعبية وعلى فكرة اغلبها معروفة ومشتركة بيننا وبين اهل الخليج كله

هلا وغلا والله ......وشو اللي اعجبج من الاكلات وعلى ماقالت الاخت لولي كلها تقريبا مشترك الا اذا في شي معين اكيد ماراح نقصر عنج

أهلين خواتي الكريمات
والله عارفة انكم ما راح تقصروا

هذي لقطات يحطوها ما بين البرامج يعني( مو برنامج مخصص) صور بس وشكل الاكلات شعبية ..
اللقطات تطلع فيها حرمة لابسة برقعة
اما الطبخات صراحة كلها شكلها حلو ما اعرف الحلو من المالح منها لانها صور سريعة وبعضها تعمل على صاج

اتمنى الصورة وضحت ..
انتم شاهدوا قناة قطر وبتشوف الصور يعرضوها بين وقت واخر..

تحياتي لكم جميعا ..

اللي على صاج هاي خبز الرقاق ..


و عندج
اللقيمات >>حلو
الخبيص >>حلو
الثريد >مالح
الساقو>>مالح
الجباب >> حلو
المرقوق >>مالح
المضروبه>>مالح
المجبوس >>مالح
المشخول>>مالح
المحمر >>الرز حلو وو السمك مالح
المفروك>>حلو
البلاليط >> حلو و مالح ( الحلو هي الشعيريه وو المالح البيض )
قرص العقيلي >> حلو
الهريس >مالح
اليقط >> مالح
الالبه >> حلو


€
هاي بعض من اكلاتنا الشعبيه القطريه
و اي طريقه تبينها آمري وباعطيج للي اعرفه انشالله

مشكورة أختي مجنونة قطر والجميع..
خبز رقاق هذا يسمى عندنا قرصان لكن شكل طريقتها تختلف لانها تمسحه بزيت او سمن قبل لا تشيلة..

با قي الاكلات يمكن تشابه أكلات عندنا عدا الاسم مختلف شوي
لكن أريد هذة الاكلات لأن مسمايتها غريبة علي::

الساقو>>مالح (( كاني سمعت بطبخة ايرانية بنفس الاسم)
الجباب >> حلو

المضروبه>>مالح

المحمر >>الرز حلو وو السمك مالح
المفروك>>حلو )

اليقط >> مالح
الالبه >> حلو

الي تعرفية من هذة الاكلات ولك الشكر مقدما
ولكل الاخوات القطريات الغاليات..

وجزاك الله خير..