طلب من بنات مصر

حبيبتي , لو انتي في الجيزة روحي برج الاطباء في أول شارع فيصل بالظبط , مشهوووور جدا جدا , فيه دكتورتين اسمع انهم كويسين ....دكتورة امينة في الدور الرابع ودي انا عاملة عندها كل التحاليل بس لسة ربنا مأذنشي بس هيا كويسة .....ودكتورة سهير في الدور التاني ودي مجربتهاش ..

و في دكاترة كتير هناك بس دول اللي اسمع عنهم كويسيين .

ربنا يطمن قلبك ويسر خاطرك ويرزقك ما تتمنين....

متشكرة جدا انك اهتمتي و ردتي عليا - انا فعلاً متابعه مه دكتورة سهير أحمد صقر بس مش عارفه ليه مش مبسوطه معها علشان كده عايزة اشوف دكتورة تانية - طيب و انتي بقالك اد ايه متابعه مع دكتورة أمينة و حاسه أنك مرتاحه معها و لا ايه

بصي , انا متجوزة بقالي حوالي سنة ونص

في الاول رحت لنوارة اللي في نفس البرج ....استغفر الله العظيم .....يالا بأة مش عايزة اغلط , قررت اني عندي هرمون الحليب واديتني لية علاج لمده شهر من غير ولا تحليل....

بعد كدة رحت لامينة , هيا متمكنة ما شاء الله , يعني محددة كدة قالتلي أولا متابعة تبويض ....بعدين تحاليل هرمونات , بعدين أشعة صبغة و بعدين تحليل ما بعد الجماع , وفعلا مشيت معاها في كووول حاجة لحد الآخر و سبحان الله جوزي كان عامل تحليل وكلهم قالولو كويس , هيا اللي اكتشفت ان الصديد كتييير و نصحته يروح لدكتور وفعلا ابتدا بأة يتابع للصديد و ضعف الحركة و ربنا يسهل...

الخلاصة حبيبتي عشان متطولشي , هيا كويسة ما شاء الله فعلا وتحسيها فاهمة صح و بتطلع على الجديد , عيبها الوحيد زحمة العيادة .......اوووف حاجة بتخنقني بصراحة ,غي كدة ما شاء الله عليها ومعاكي موبايلها وممكن تكلميها عادى وتستفسري منها في أي وقت.

ميرسي يا و سام علي ردك
انا متجوزة بقالي 10 شهور - هي صراحة د.سهير مشرحتليش أيه الخطوات اللي إحنا هنعملها هي أول حاجة قالتلي لازم الزوج يعمل تحليل لإن هو مطلوب منه تحليل واحد و خلاص ( علي فكرة جوزي طلع برضه عنده صديد و قالت لنا يروح لدكتور - بصره ههههه )و أنا اليومين دول بعمل تحاليل الهرمونات و لسي بعد كده مش عارفه هتطلب مني أيه ؟
لكن هي دايماً بتنصحني اني مستعجلش و لسي بدري علي إن أقلق
بس هو أنا بدور علي دكتورة تانية لأني مش عارفه بحس انها عايزة تخلص بسرعة و تمشيني و الله أعلم طبعاً
بص هسألك سؤال مهم في موضوع الصديد ده الدكتورة مقلتليكيش ممكن يتنقل ليكي و لا لأ - هي قالتلي ممكن و أنا ناوية أعمل تحليل بول و مزرعة عند دكتورة مسالك بولية علشان اطمن انت ايه رأيك ؟
معلش طولت عليكي هستناكي تردي عليا

هيا قالت إن الصديد ممكن جدا يتنقل ليا , و رحتلها مخصوص تكشف عندي التهابات ولا لأ عشان الصديد دة مالقيتش , بس هيا قالتلي اني آخد من الدوا اللي حيكتبه الدكتور لجوزي , لأن هيبقى البكتريا الموجودة عنده هيا هيا اللي ممكن تتنقل ليا...

بصي هيا برضه عندها حق في حكاية ان القلق بدري عليه وكمان القلق بيخلي الحالة النفسية وحشة و كل شهر ترقب وحسرة و كوول دة ضد الحمل ....بس مين يسمع :(

نصيحتي الاول خللي جوزك يعمل مزعة سائل منوي , وبعدين من نتايج المزرعة يروح لدكتور جلدية وتناسلية يكتبله على المضاد المناسب ......و لما يخلص كورس الدوا حللوا تاني انتو الاتنين عشان تتأكدوا.

مشكلتي اننا مش عارفين سبب الصديد عند جوزي واللي بيسبب ضعف في الحركة كمان, عشان كدة سبحان الله الموضوع مطول معانا بس باذن الله انتو تكونوا وضع تاني ....

بس يا ستي ......و رمضان كريم :)