السلام عليكم ورحمة الله
صباحكم / مساءكم
معطر ومفعم بذكر الرحمن
اتفقنا مع بنات العائلة نطلع لإستراحة وكنا مقسمين الطبخ علينا
أنا وأخواتي أخترنا أغراض القهوة من حلى و معجنات
وبنزل لكم الصور قبل لا نطلع من البيت
صورتها أختي على عجل
أخوي ينادي ومشغل السيارة وإحنا نلبس العبايات ومستعجلين مرة
فقلت صوري بسرعة أهم شيء تكون واضحة
وألا قبل كنت برتبها على السفرة همن نصور
لكن ربي ما أراد وأخوي الله يهديه استعجلنا
المهم والله يابنات يا إني استفدت منكم إستفادة كبيرة الله لا يحرمكم الأجر
ويجزاكم خير
بجد ما قصرتوا
تفضلوا شوفي الصور
وترا على فكرة أول مرة أشارك بموضوع بقسم الطبخ
مشاركاتي قبل ردود فقط واستفسارات بسيطة
ـــــــــ
حلى الكاسات لذيذ وسهل مرة
زوووم أكثر
مثلثات السميد ، بف باستري بالكاسترد ، حلى التوست
زوووم أكثر
حلى تارت بسكويت الشاي
كيكة الزبادي ومشربتها كريم كرامل
لذيذة مرة مرة
ميني سمبوسة ، سبرينغ رول بالبطاطس والجبن والكركم ، فطاير بالجبنة المالحة
أما الميني سمبوسة بصراحة روووعة وما ينشبع منه
زوووم أكثر
نختمها بحبيب الكل
ورق العنب
والله كنت أبي منظر عام لها
لكن الجايات أحسن بإذن الله
برايفت بنات : الحين الميني سمبوسة كيف ألفها بحيث ما تكون
متساوية كل أضلاع المثلث
أبي أسفل الميني طويل شوي
إن شاء الله فهمتوا قصدي
حلى الكاسات ثلاث طبقات
ط 1 >>> حبة أوريو مغموسة بحليب
ط 2 >>> كأس حليب محموس + علبة قشطة + ظرف كريم كرامل + 2 فنجال سكر
ط 3 >>> 8 حبات جبن مثلثات + علبة نستله
حلى البف باستري
كل شريحة تقطع أربع وردات
ندهنها بصفار بيض وندخلها الفرن
همن نحشيها كاسترد
حلى التوست
نقطع شريحة التوست أربع قطع
ونغمسها بالنستله ثم نضعها بشعيرية باكستانية محموسة ومكسرة صغير
حلى التارت موجود بأطباق النخبة >>> تارت بسكويت الشاي
كيكة الزبادي
1 زبادي + 1 كأس سكر + 1 كأس زيت
3 بيض + 1م فانيلا + 1 وربع كأس دقيق
1 م كبيرة بكنج بودر
>>> بالترتيب نضع بخلاط الكيك البيض والفانيلا >> زيت >> سكر >> زبادي
>> دقيق وبكنج بودر
نصبها بصينية مدهونة وتدخل الفرن وما نفتح الفرن قبل 20 دقيقة
وبتطلع من أحلى ما يكون
بعدها نشربها بالكريم كرامل
الروابط ياغاليات
مثلثات السميد
ميني سمبوسة
الفطاير بعجينة العشر دقايق وحشيتها جبن مالح
والسبرينغ رول >>> والحشوة بطاطس مسلوق وجبن مالح وشوية كركم عشان اللون
وبقدونس مفروم وطبعاً شوية ملح وفلفل
ورق العنب من كتاب طبخ عالم حواء مرة لذيذ وحشوته رهيبة
عساي أفدتكم
.
دمتم بود حبيباتي
-.
ويسلمووو الايادي.,,