لا الحمدلله ماعمري انحطيت بمواقف زي كذا لاني حذره
بس مرتين وكلهم الغلط منهم لاني انا بمكاني بغرفه ضيوف الحريم والغلط من الطرف الاخر
مره عند اخت زوجي كانت نفاس وكنت لابسه عبايتي والطرحه ع راسي والبيبي بحظني ببوسه وبطلع الا اخو زوجي يمر ومايدري بغرفه الحريم احد وشافني بس الحمدلله اني كنت لابسه عبايتي وعلي طرحه ع شعري
والثانيه بعد بنفاس مرت اخوي رحت لها ببيت اهلها وكنت افصخ عباتي قدام المرايه الا دخل اخوها وكان يفكرني اخته يناديني وانخشيت بسرعه
اكره المواقف ذي مالومك يوم تضايقتي

مره وانا بالمتوسط دخلت المجلس على اخوي وصاحبه وكنت مسويه شعري طاقيه او حوايه..


تخيلو الشكل بس، المهم اخوي بغا يكفخني بس حبست نفسي في الغرفه طول اليوم..


الحمدالله الأولى والاخيره 😂

كذا مرة ادخل ع زوج اختي المجلس الله يهديها لمن تجي وتقلط زوجها ماتقول وانا اجي مدرعمه عبالي محد في بس الحمدلله ليا كم سنة ما درعمت عليه

اه بس انا زوج اختي شافني اكثر من مرا
وربي كل مايصير لي هالموقف انقهر مرا ياليت واحد غيره ياليت واحد عزابي بس زوج اخت😂😭😭😭😭😭🙊


اكثر مرات يكوناذا جت عندنا مثل داخل وانا رايحه للمطبخ وهو داخل للمجلس فيه باب فاصل بس. دايم مفتوح


ا

انا مره وانا فبيت اهلي ولدي رااح يركض بالحوش وانا خفت يروح الشارع قمت اركض وراه الا واشوف ولد عمي داخل من حوشنا وطبعا هو يشبه ابوي مررره ومن زمااان ماشفته حسبته ابوي ، وهو قام يناظرني وينزل عيونه وانا مستمررره بالركض واقول بنفسي ايش فيه ابوي مسسستحي ليه يناظرني كذا وهو يمشي يبي المجلس وانا قدني قريبه من الآدمي استحى وقام ينادي يبو .... يقصد ابوي انا هنا وقفت ورجعت ريوس وعيوني صارت كذا 😲 استحيييت ورجعت البيت وقلت لخواتي فطسوو ضحك وقالوا عادي الآدمي متعود كلنا نغلط نحسبه ابوي😆
💖🚶‍♀️