طلعت النفاس وانا عروس الحمدلله قولو ماشاء الله نظامي للاربعين

السلام عليكم ورحمه الله وبركاته
الحمدلله والشكر توني طالعه من الاربعين ولله الحمد طلعت وكني عروسه
اولا ماكان عندي شغاله وكنت مرة حايسه :3_13_12:بالشغل
فقلت بدال مااحوس كلمت وحدة من قرايبنا طبخها حلو وقلت لها ابيك ترسلين لي يوميا الفطور والغداء والعشاء وبعطيك حقك
قالت خلاص مع انها ماتبيع اكل بس ترجيتها وهي عارفه ضروفي لان عيالي صغار

الله يجزاها كل خير وبيض الله وجهها ماقصرت

كانت ترسل لي قرصان الفطور ومرات خبزة واحيانا انا اسوي بيض وحليب
والغداء مرقوق وكنت اقولها تشيل لي الشحم الي على اللحم وتقلل الزيوت
والعشاء اشياء خفيفه
واذا جعت اكلت شابورة مع حليب او محلى التمر


كنت اخذة من التاجره ام عبودي شنطه نفاس
الله يحرم يدها من النار
والله مااسوي لها دعايه بس ماشاء الله كل شئ فيها وانا من قبل كنت اخذ منها لهوم


اصحى الصبح بدري واكل علاجاتي وارضع ولدي عقبها افطر وارجع انام
ولاصحيت شربت لي شئ دافي الى الغداء
وكل يوم كنت اغسل جسمي علشان الحر بس مااتعرض لتيارات بارده
وشعري بالاسبوع مرتين

وباليل ادهن جسمي بزيت اللوز المر
واحط كريم الدوكين على وجهي ورقبتي

والحمدلله طلعت الاربعين جسمي حلو بدون كرشه وكني عروس