السلام عليكم ورحمة الله وبركاته..
ربي يسعدكم خواتي بما تحبون..
ماراح اطول عليكم بالمقدمات..
اولا احب اقول لكم انه انا عمري 28 سنه..
ربي ماكتب لي اتزوج الى الان..والحمد راضيه باللي اختاره لي رب العالمين...
المهم انا طلعت اليوم بيت قرايبنا زياره سريعه بس تأدية واجب..
وكان فيه مجموعة ناس ومن بينهم وحده تقرب لي كبييره بالسن وحبووووبه مررره وقلبها طيييييييب..
وتعرفون الكبار بالسن لما جيت اسلم عليها قامت تدعي لي انها تشوفني بزواجي وتفرح فيني ومن هذا الكلام..
ومن بين الموجودات وحده كانت تضحك كل ما دعت هذي الحرمه الكبيره تضحك ضحكه صغيره..
والكل كان ساكت!!!
انا ماكنت اشوفها بس كنت اسمع ضحكتها..مشيت السالفه..
بعدها بشوي قالت لي وحده ان شاااء الله تشيلين اولادك..وقامت هذي الانسانه وضحكت نفس الضحكه..
المهم طلعت وانا مقهوره بس تناسيت السالفه..
كلمتني وحده من قريباتي الموجودات وقالت لي بسألك ليه فلانه لما احد يدعي لك تضحك..
قلت لها لاحظتي؟؟
قالت ايه...قلت لها كأنها تقول على كثر ما الناس يدعون لك مامنك فايده ولا فيه امل تتزوجين..
تعبوا الناس وهم يدعون وانت ما منك امل..انا كذا وصلني من طريقتها واللي استشفيته من قريبتي اللي كلمتني انها فهمت نفس الشي..
بصرااااحه انقهررررررت ..وما ودي اظلمها لاني ما اعلم اللي بنفسها...
ان كان قصدها سوء ربي حسيبها..وان كان ظني خطأ ربي عليمها وربي يغفر لي ولها..
بناااات انتم وش رايكم وكيف تفسروووون اللي صاااااااااار؟؟
من جد انقهررررررت وتضاااااااايقت..
ربي لاتشمت بي حاااقد ولا حااااااااااااااسد يااااااااااااارب..
يارب ان كنت ظلمتها بظني فأغفر لي ولها يااارب
انتظر ردودكم حبيباتي..
ياغاليات
بعد الردود اضفت هذي الاضافه..
وحده من الاخوات العزيزات نصحتني انه ممكن اكون فتحت باب لسوء الظن..
وانا والله يشهد اني ما ابي احملكم اثم او احمله على نفسي او على هذي الانسانه..
اللهم اني عفوت عنها فاعفوا عنها..
طلبتكم
اللي تقرا موضوعي
((((بس ابي منها دعووووه صاااااادقه من قلبها..))))
وربي اعلم بخفايا النفوس

إنسانه طفشانه @ansanh_tfshanh
محررة برونزية
طلعت اليوم وشوفوا وش صاااار..انقهرررت..وما ابي اظلمها..قولوا لي وش تقصد؟!!!
128
8K
يلزم عليك تسجيل الدخول أولًا لكتابة تعليق.

أسمو بأخلاقي 1
•
يابنات الحلال وسعي خاطرك ضحكت وضحكها عليها والزراق بالسماء وخزائنه مليء ماعليك من احد

بــاتشي
•
انا اتوقع ان قصدها تضحك عليك لكن طنشي وخليك واثقة بنفسك وراح يجيك يوم وتتزوجين ان شالله وتحرينها وتحرين امثالها...
قولي حسبي الله ونعم الوكيل فيها ان كانت قادصة تاذيني
قولي حسبي الله ونعم الوكيل فيها ان كانت قادصة تاذيني


ياعمري عليتس ..
تسمعين بهالمثل..طنش عش تنتعش >>الله يستر لايكون عكسته
خليه تضحك إلى ماتشبع بس لاتحرك بتس ولا شعره عااادي ..ربي بيحاسبه ويعطيه ع قد نيته..أهم شيء لاتشغلين بالتس به ..
والله يوفقتس ويرزقتس بالزوج الصالح اللي يسعدتس ويعوضتس وأنا معتس بعد هع وكل بنات حوواء
تسمعين بهالمثل..طنش عش تنتعش >>الله يستر لايكون عكسته
خليه تضحك إلى ماتشبع بس لاتحرك بتس ولا شعره عااادي ..ربي بيحاسبه ويعطيه ع قد نيته..أهم شيء لاتشغلين بالتس به ..
والله يوفقتس ويرزقتس بالزوج الصالح اللي يسعدتس ويعوضتس وأنا معتس بعد هع وكل بنات حوواء

الصفحة الأخيرة