طلعت انسانة غريبة الاطوار

السلام عليكم ورحمة الله وبركاته
قبل كل شوي صلو على النبي وقولو ماشالله
امس كنت اتكلم مع صديقة لي في الماسنجر ودي صديقتي كانت تتكلم معايا بامور خاصة وانها باردة جنسية بطريقة فظيعة وجلست انصحها ايش تسوي وتقولي اني جنسية مرة قلتلها عشان ارضي زوجي ودا الشئ نابع عن رغبة اكثر من حب
والصراحة انا مشاعري ناحية زوجي عادية مااحس اني احبه ولا اني اكرههو
فدخلنا في امور خاصة بالغيرة قالتلي انه زوجها مرة غيور لدرجة يغير من ممثلين في التلفزيون وقلتلها انا زوجي غيرته بعقل يعني مايخلي باله لاشياء تافها
قالتلي كيف يعني قلتلها غيرته تكون اذا احد اتكلم على اهله وعلى زوجته بكلام يمسه ويمس شرفه
قالتلي دي مو غيرة قلتلها الا دي غيرة بعقل والغيرة اللي زي غيرة زوجها غيرة بدون عقل وكانها حركات مراهقين يعني مافي نضوج
قالتلي انتي غريبة انتي وزوجك قلتلها ليش غريبة الحمدلله مرتاحة وهو مرتاح باله
وقلتلها الغيرة ممكن تفتح للشيطان امور اخرى منها الشكك والعياذ بالله
فما حبت تقتنع بكلامي
قالتلي انتي وزوجك غريبين مافي غيرة عندكم قلتلها انا اذا شكيت فيه مااقلب الدنيا الا عشان دا الشئ يمس بيتي وماابغا بيتي يخرب واولادي يتشتتو ولا هو وربه مو طفل صغير ربنا يعاقبه لو سوا شئ غلط
المهم قالتلي في الاخر انتو وزوجك شكلكم ماتحبو بعض والجنس بينكم بحت مافيه اي حب بينكم ولا غيرة اصلا
قلتلها الحب مو 24 ساعة لازم يكون متبادل بين الازواج لازم الواحد يهدي - قلتلها لو الحب دايما طول الوقت مايصير له نكهه لو جيت ابغا اسوي اي شئ خاص بيننا يعني ليلة مثلا فما حايكون فيها اي شئ جديد
استغربت وقالتلي كيف الحب فيه ملل وقالتلي على العموم انتي غريبة انتي وزوجك لانها استغربت انه متفاهمين في الفراش و ماعندنا مشاكل الا فين وفين و انه مافي غيرة على بعض على قولها

ايش رايكم انا غريبة او هي
انا حسيت انه البنت متأثرة بالمسلسلات والافلام الرومانسية

وقلتلها في الاخر انه ياكثر اللي ماخذين بعض عن حب واخرتها اتطلقو يعني الحياة مو كلها حب في حب في شئ اسمه واقع

انا يمكن لو حطيت نفسي في موقف صعب احس اني احب زوجي وابكي عليه بس يمكن عشاني متعودة عليه ودايما معايا مااحس بدا الشئ ولا انا غلطانة