طلعت طايحه من عينه!!!

ياحريم انا ضحيت لزوجي
واستحملت بلاويه من يوم ماخذته وكنت ستر وغطاء عليه
وحده غيري ماجلست معه دقيقه ولاحملت
ماقصرت معه ولا بشئي

وهو مقصر ماديا وماعنده الا كلام وبسسس
لدرجه كان يقولي ماضيه وانه مع وحده ويسولف علي بها

الين وقفتة عند حده وقلت خلاص ماضيك مالي دخل فيه ولا راح يفيدني
كان يقول تلبس ماركات

وانا مراعيه ظروفه ومقدره مامعه واوديه لتوب تن اقضي لي ولعيالي !!

بعت من ذهبي وانا عروس علشان يعشي انسباه رياجيل خواته!!
وامه عندها ذهب ماخذ منها واصلا هي الي مسويه العزيمه وقالت دبر نفسك وركبتها في راسه

كنت له السند والعون ويد بيده واحط معه من حافز البيت انا ماثثته

قلت مامعه وقدرت ظروفه

واليوم تهاوشنا لان طقت كبدي اشتغل وهو ياخذ ولا عنده نيه يصلح الوضع
قلت بترك الشغل واريح راسي وانت ادفعلي كل شهر مصروف
قال احمدي ربك ماكله شاربه الحياه عنده اكل وشرب بس
قلت ليه اتزوج اذا ماكله شاربه حتى عند اهلي ماكله وشاربه ويمشيلي مصروف

اجل خواتك عايشات ع الاكل والشرب
قال لصرتي مثل خواتي البسك ذهب وامشيلك مصروف

لهدرجه طايحه من عينه
فعلا ماشاء الله خواته قويات وماخذات حقهن وزياده من رجالهم. الله يزيدهم

بس لان الطيبه والحنونه والي ع نياتها
والي فاهمه الحياه مشاركه
زي امثالي
غبيااااات. ماراح تعيششششش رجالي قوي ويبغاله الي اقوى منه بس عسى الله يقويني


هو فاهم اان خواته مافي زيهم حتى مشغل مايروحن له
من وراه يروحون وان انا اخسره في كل زواج واروح مشغل

وانا ماقلت في خواته شي ولا غلطت عليهم عكسهم ياما غلطن وهو يدري واسكت
ولا ارد

ذبحني السكوت وذبحتني الطيبه

بس صحاني بكلامه كنت مفكره انه مقدر التضحيات الي سويتها علشانه
وانه ممكن يعوضني اذا ربي رزقه
طلعت طايحه من عينه!!!!!

حتى اقوله فلانه ماشاء الله زوجها ماسوى زيك وهو عنده اجار واقساط وانت ماعندك اجار
قال لصرتي مثل فلانه اجل انتي مثلها
قلت لا مو مثله مادخلتك محل ماركات وخليتك تدفع غصب زيها. اقدر ضروفك واوديك توب تن!!
بس استاهل انا الي ارخصت نفسي
بس مو علشان حب
علشان تربيه اهلي ربوني ع الطيبه وعلى النيات واحسب كل الناس زيي!!!
واهلي طيبين وياما. اندااااسو من اقرب الناس من اعمام واخوال

ودي اتغيرررررررر كيفففففف

واذا قلتو خلي فلوسك لك
خليتها وش الفايده انا اصرف ع نفسي مو كاني متزوجه ولي زوج

عيالي شرا لهم بدله لكل واحد يقول لبسيهم في كل مناسبه لها شهر

اشتريت لي مكسرات من فلوووسي تخيلو يقول ايه بتخربينها تلقينك كل مغرب عليها وتراها غاليه
طيب من حلالي !!!!!

هو من النوع الي يجيه حاله لشاف مع الحرمه فلوس ياحاول ياخذها مايرتاح الين تنصرف

الوضع لايطااق لايطاااق

وطايح له في حركه

يسحب على البيت اسبوع مايجي الا وقت النوم
بس احلى شي الطلبات تجيني
الي اجلس اطلبه شهر وقت زعله يجي!!

وش اسوي معه !!!
اعرفه بيجلس اسبوع مانعرفه الا لجاء ينام