ههههههههه
مريت نفس الموقف واشد بعد
بس خليها مستوره وطنشي والا بتتعبين

حبيبتي انتي علميه قولي ابغى هديه ترا زوجك على ما عودتيه وهو وش دراه اغلب الرجال كدا

راحت عليك هاالمرة

خلاص انتي عوديه وهو على ماتعود عليه

وترى اغلب الحريم مثلك

لا وتجي قبل ماتطلع تنظف وتبخر بعد وتهدي هي له هديه>> عاد شفتي

وسعي صدرك يا بنت الحلال وتذكري انك (لست الوحيدة ) في هالشي كثير مثلك جابوا لازواجهم بنات واولاد مو ولد واحد ولا سووا لهم ولا شي من هاللي تقولين وترى اسوأ شي في الزواج هو التوقعات والمقارنات ، انك تتوقعين انه بيسوي لك مثلا كذا وكذا لما تطلعين من النفاس او لما تسافرين لاهلك فترة وتجين او لما تنجحين في الدراسة مثلا ،وبيجيب لك هدية بالشيء الفلاني لما يجي من السفر لأن الواحدة تحط في بالها شي وما يصير وتتحطم ، والمقارنة انك تصيرين عارفة واحدة مثلا زوجها يسوي لها كذا وكذا وتقولين ليش زوجي مهوب مثله ؟ حطي في بالك الاصابع في اليد الواحدة مو زي بعض وكذلك الرجال مختلفين ، وتعبير الرجل السعودي عن الحب مختلف في الغالب يكون بالافعال انه يلبي لك طلباتك الكمالية ، اما الاقوال ( مثل ما قريت في احد الكتب عن الرجال والنساء ) خلاص الرجل يقول كلمته مرة واحدة ويوصل الرسالة ولا عاد يعيدها لأن ما يحس الاعادة لها فايدة يعني يمكن يكون قد قال لك احبك واموت فيك من زمااان وخلاص عرف انك وصلتك الرسالة فما راح يعيد ويزيد ، فلما تسألين الرجل السعودي مثلا : انت تحبني ؟ ويقول لك : اجل وش مصبرني عليك ؟ ولا يقول لك روحي ارقدي بس وراك قومة من الصبح ! ثقي وتأكدي انه يحبك بس كالعادة اسلوب التعبير مختلف :) التصرفات الرومانسية انسيها تماما هم ما تعودوا على كذا نفس الشي يحسون انها مالها فايدة لأن تفكيرهم عملي جدا والبعض يحسب الورود والشموع خاصة بالحريم والبعض ما يحبها ابد ولا يستسيغها حتى كديكور للبيت ، مسألة عقليات ونفسيات لذلك وسعي صدرك وبتعرفين ان زوجك يحبك بس بوسائل وطرق ثانية