طلعت من البيت بعد ماقال روحي لاهلك

قبل كم يوم تخاصمت مع زوجي علشان سالفه تافهه جداا بس هو ارسل لي روحي لاهلك ماعاد ابغاك وماعاد تنفعين لي قلت طيب وكلمت اهلي ولفيت عفشي كله جو اهلي وحاولو يفهمون السالفه ماعلم لهم قال خذو بنتكم وطلع ورحت بيت اهلي واليوم يرسل علي الطلاق لو مارجعتي خلال ذي اليومين مثل ماطلعتي ونا ماوديتك انك طالق انا انهبلت منه هو اللي طردني وقال روحي لاهلك هو اللي قال لاهلي خذو بنتكم لما دقيت عليهم حاولت اتفاهم معه عنيد يصر على رايه اني انا الغلطانه واني انا اللي طلعت قلت تعال تفاهم مع اهلي او جب حد من اهلك رافض يقول اخوك يرجعك او انا اجي اخذك وباراضيك في البيت ونتفاهم ما باكلم اهلك انهم يبغون يشبونا على بعض يبغون يزيدون الطيب بله واهلي ماقللو له شي الا انهم قالو اهنت بنتنا وهم صدقو لما قال خذو بنتكم ذي اهانه لهم وهم جو يبغون يصلحون انا والله محتاااره مدري ايش اسوي ماودي ارجع له كذا وهو الغلطان وعاد في نفسي واجد عليه وباقي زعلانه وماودي يطلق عندي عيال منه اوقات يكون زين فيها واوقات سيئ يشك وكل كلامه ان الحريم فاسدات ان الحريم خبلات بالرغم انه ماقد شاف عليه شي خلاني احذف سناب وانستقرام وتكتوك وسكتت ممنوع كفهات ممنوع مولات ممنوع سواقه سياره وتنازلت عن كل شي تخيلو حتى المسلسلات والافلام حلف لو اتابع شي وهو يتابع اتراك وعنده تك توك والتمشيات مقصر مره فيها يمر اسبوع اسبوعين ما اروح مكان او يطلعني في السياره فره جواها ماننزل مكان ويعتبرها تمشيه مشكلته يعتذر لي يوميا وانه مقصر هو زين مررره مع عياله وحبهم يموت عليهم وصراحه من ناحيه البيت مريحني مايدقق ليه ماسوتي كذا او ليه ماطبختي كذا او ليه ماشليتي ذا ولا يقارن مدري ايش اسوي تعبت من التفكير ولا هو راضي يتنازل وعرفه لو جاب احد من اهله بيحقد عليه طول عمره هو مايبغئ احد من اهله يدري لان خايف يتشمتون فيه 💔