طلعت من المستشفى على مسؤوليتي وانا على وشك ولاده

السلام عليكم .. شلونكم حوائيات
اكتب لكم و دموعي على خدي توني طلعت من المستشفى على مسؤوليتي
وانا كان عندي ولاده..

كتبت موضوع قبل كذا انو جاني طلق وانا بالاسبوع 33 و رحت واخذت ابر الرئه
و وقفو الطلق عندي والحمدلله طلعت

كملت الثامن على خير و دخلت التاسع اول يوم على حساب السونار
وحساب الدوره داخله شهري من اسبوع و 5 ايام
بس الدكتوره مصره انها تمشي على حساب السونار

امس مسكني الم مو طبيعي و نزل معاي افراز بني
تروشت و رحت لطواري الحمادي وكشفت علي دكتورة النساء
قالت مفتوح 5 سم ولاده
خلصت اوراق التنويم و رقيت فوق و تجهزت للولاده وكان معاي طلق شديد
ومنتظم

قاست لي بعد ساعه صار 6

لما خلصت مناوبتهت وراحت جت دكتورتي و رفضت انها تولدني
بحجة اني لسى مخلصه الثامن و النونو حجمه صغير وزنه 2400
عطوني ابر الرئه جرعتين وانا ماخذه قبل جرعتين صار المجموع 4 ابر رئه

قالت علشان لو ولدتي مايكون فيه خطوره عالجنين
مرت الساعات وانا اتلوى من الطلق جت النيرس حطت لي حقنه سالتها ايش هذا
قالت مسكن
بعد كم دقيقه اختفى الطلق معاي نهائي

رجعو مره ثانيه يوقفو الطلق معاي وانا كنت تعبانه و على وشك اولد راح كثير وبقى قليل
جات الدكتوره وصار بيني وبينها مشاده بالكلام و قدمت شكوى عليها و طلعت على مسؤوليتي
لان ثاني مره توقف الطلق معاي وانا الحمدلله وضعي و وضع الجنين مافي شي
بس تبي تطولها جلست اترجاها تعطيني طلق صناعي علشان اولد تقول لا انا مااعطي طلق
الا للي تمت التاسع و خلصت منه
طيب انا من امس الصباح اطلق ومو راضيه اخلص ريحيني حرام عليك
قالت اني افضل لك تطولين مايصلح تولدي الحين حجم الطفل صغير

والله بكيت و احتريت من قلببببي
من طلعت وانا فيني الم وكل شوي ينزل معاي دم يابنات

نزلت السداده معاي بالمستشفى وكل مره ادخل فيها دورة المياه الله يعزكم
ينزل معاي قطرات دم


بنات صحيح كلامها لو ولدت راح يحتاج الطفل عنايه مركزه !!!
_علمت