السلام عليكم يابنات
اول مره اطلع من المستشفى وانا ابكي مدري قهر ولا حب للاطفال مدري وش اصنف دمعتي
طبعا بقولكم السالفه
انا من قبل زواجي عندي اضطرابات دوره وكنت اراجع بالمستشفى وصرفوا لي ديان منع حمل على اساسا تنظم الدوره وسالت عنها الكل قال عادي مامنها مضره استمريت 3 سنوات على اساس فيه شعر بوجهي وهي بتروحه وماراح سويت ليزر وافتكيت وجيتهم قلت خلاص انا سويت ليزر راح الشعر قالو اتركيها 3 شهور وتعالي نشوف تركتها تلخبطت دورتي
ورجعت لهم صرفوها لي جاني هرمون حليب عطوني حبوب لعبت بنفسيتي وسمنتني كان وزني 60 كنت مره رشيقه مقارنه بطولي
سمنت وخرب جسمي من هالحبوب وصرفوالي جلوكوفاج ومرت الايام والاشهر والسنين وكل مارحت قالوا انتي ماتزوجتي قلت لا قالوا خلاص مانقدر نعطيك الا منشطات بعد زواجك استمري على جلوكوفاج بس واستمريت وحصل وتزوجت وجيتهم
قالو بنبداء معك كلوميد بس بنخليك الحين 3 شهور على الفولك اسد والجلوكوفاج وفعلا وقدر الله وجاني سكر يووووصل 500 و600 وجيتهم بعد 3 شهور على اساس اخذ المنشط
قالو انتي سكرك مرتفع مانقدر نعطيك لين ينزل وقلت الحمدالله خيره لي
ورجعت البيت وبديت اشتغل على سكري والحمدالله صحيح يرتفع بس احسن من 500 و600 يوصل 200 و300 بس اهون علي من قبل واحيانا يكون 115
رحت لهم بعد 6 شهور وقلت سكري تعدل وصرت استخدم له علاج وسكت انتظرها تتكلم قالت طيب وش اسوي انا هي باكستانيه انا انقهرت وش الي وش تسوين مين الدكتور انا او هي انقهرت وسكت قالت طيب انتي تبي اطفال قلت ايه سكتت وحطت يدها بخشمها من القرف والوصاخه و كنها تحفر كوسه قرفتني بحياتي غير ما انا منقرفه منهم
يااربي شوي وقامت راحت للاستشاري قال لها خليها تنحف لمده 3 شهور وتجي مع اني نحفت من السكر نحفني عن اول كثير وتقولي انحفي وتعالي
طلعت منها وانا خانقتني العبره كرهت حياتي منها ومن هالمستشفى بكبره
ودي احول للعسكري وش رايكم لان توي جديده عليهم وماسبق لي راجعت عندهم
تكفون قولولي وش اسوي ترى مالي بعد الله غيركم
وحيده 111 @ohydh_111
محررة برونزية
يلزم عليك تسجيل الدخول أولًا لكتابة تعليق.
#كلى امل#
•
SIZE="4"]من الافضل انك تغيري المستشفي كل الدكاترة يقولوا للى تبغي تحمل تنحف ويعطوا منشطات بس مو تروح واذانحفت تجى
الله يرزقك من غير حوسة المستشفيات انه ولي ذالك والقادر عليه
عليك بالصدقه والاستغفار والدعاء لان رزقنا كله بيده سبحاااااانه وحده لاشريك له
عليك بالصدقه والاستغفار والدعاء لان رزقنا كله بيده سبحاااااانه وحده لاشريك له
الصفحة الأخيرة