لجميع البنات اللي مافهمو القصه بلهجة جدتي الله يحفضه عدلته لكم باللهجه البيضاء على مايقولون
اليوم مثل كل يوم نازله العصر والشاي بيدي لقيت الجريده بالصاله كعادة ابوي الله يحفضه اخذتها ورحت لغرفة جدتي الله يطول بعمره دخلت وجدتي تستمع لراديو القران
وانا اقول بيني وبين نفسي : ماشاءالله لاعورت راسه بمضاهرات ولاهم يحزنون
جدتي سمعتن اتحلطم قالت : ووشووو ؟ من انت ؟
انا : انا فلانه موب افلان المهم ماعلينا شخبارك ياجديدتي اليوم ؟
جدتي : بخير .. وش حاطن على راسك ؟
انا : لاحوووول ياميمتي هذا انا فلانه ؟ الي براسي فوطه توي متروشه
جدتي: اايه >
انا قلبت الجريده ومعروفه اني ابدا بأأخر صفحه : سرقه ..؟ حريق ؟ قبض ؟
لاحول ولاقوة الا بالله الصفحه الثانيه
كاركتير :> يجيب الغثا لأن الرسام معروف انه ليبرالي > حتى النكت تغيرت بهالزمن المقصود : رسمه مثل وجهه ماهو القصد ادخال السرور للي يتصفح ؟
قسم المتابعات : سرقة ؟ حادث على طريق ؟ وفاة مقيم .
الصفحه الي بعده وفاة وفاة وفاة وفاة اهئ ؟
شفت المقالات > الحمدالله والشكر الناس وين وهو الى الحين يسب الهيئه والدين ياشيخه > هذا وش يحس فيه ؟
والصفحه ماقبل الصفحات الأولى : ردود على ردود اشوي الا قلم الكاتب بيطلع ويسطر الناقد اللي انتقده > بنفجر سكرت الجريده والتفت لجدتي اللي ماعاشت عالمنا الملوث >
انا : عطينا علومك اليوم .
جدتي : نزلي اللي انتي حاطته ؟
قصده الفوطه > لأنه ماتحب شئ يرفع فوق وهي ملتزمه فديته مره >
انا : وهذي الفوطه ونزلناه ؟ يقولون انك بتزوجين > نوع من المزح
جدتي : اقطعي واخسي يامال الردى
انا : طيب بماانك تتابعين الراديو واذاعة القران تبث اخبار اكيد وش رايك بالأوضاع الحاليه >
وبديت افهمه وافصله تفصيل
جدتي : قل الدين وانا اميمتك واختلط الحابل بالنابل وانا سمعت الشيخ يقول أخر الدنيا يالله حسن الخاتمه
والله جدتي ماهيب هينه تسمع اخبار من ورانا ؟ وبدت توعضن واقلبت تهيجن بمعنى تقصد بموال وتقول ارقصي > شوفوا الطيبه بس عاد قلت يمه عطين قصه بقوله لبنات حواء
قالت : الله يحيهن
انا: ههههههههههههه واحد قال بيجون اقول عطين سالفه من السواليف القديمات حقاتكم
جدتي استانست تحب تسولف عن ايام اول عاد انا انسى سوالفهم قمت اخذت الجوال وسجلته وهي ماتدري تقول : فيه وحده باره بزوجه وحافضه اعياله وبيته وامه محرصته انه تطيع زوجه وتبر بأاهله وقالت له : اذا ضايقك شئ روحي للحجره : الغرفه والبسي الجلال وارفعي ايدينك المهم ا ن اهل زوجه ماهم بذاك الزود معه يهاوشونه وياكلون العشاء عنه ومره من المراير حملت وكان قبل عنده بنتين ويوم اضنت بمعنى ولدت جابت بنت ثالثه زوجه تضايق وهي لاحضت ضيقته وش بك يافلان ؟ والله اني مادريت انك تبي ولد المره الثانيه خلاص بجيب لك ولد > شوفو البراءه انا فقعت ضحك : على كيفه تجيب ولد حصاله هي ؟
المهم ان زوجه تزوج عليه بتحريض من اهله
ومره من المراير تعب من شغله ورجع قبل الموعد اللي يجي له كل مره ويوم طلع لحجرة الزوجه الأولى سمعه تهيجن وتقول :
احسب اطلاعك يامحمد خلاخيل
وصارت اطلاعك يامحمد بجاره
اصبر على نزره واصبرعلى الهوش
لأجل المحبه تنتشر وسط داره
بمعنى : اني احسبك اذا طلعت من النفاس بتجيب لي ذهب وخلاخيل
لاكن انصدمت منك بدال الذهب جبت جاره لي اصبر عليك وعلى عصبيتك لأجل المحبه بيننا وعلشان عيالنا > فهيت
بعده قامت واخذت الجلال
وتقول ياربي انا صبرت على ضيم اهله وماقلت له امي تقول لاتقولين له عشان مايقول ماربوها اهلها > شوفوالبراءه وانا يارب ياكلون عن ماقلت لاحد وانا يارب اشتغل واكرف ماقلت لاحد والحين اهلي يقولون خلك حرمه واقضبي > بمعنى امسكي الدار > قمة البراءه فرق بين قلوبنا ودعانا الحين
اشوي الا يفتح الباب ويتسامح منه وطلعه من بيت اهله وطلق ذيك وجابت سبحان الله ولد ههههههه زي ماقالت > سماحة قلوبهم وطهارته وحسن نواياهم صدقت بدعاهم
والحين ياشطار مين احسن :
سوالف جدتي والا الجرايد والأخبار > هوع
ادعولي بالزوج الأطخم الصالح اللي يطيح الطير لارفرف بجناحه
اقدار مكتوبه @akdar_mktobh
عضوة نشيطة
يلزم عليك تسجيل الدخول أولًا لكتابة تعليق.
ههههههههههههههههه يازين السواليف بس
تهبل احب اجلس مع العجايز واسمع سواليفهم ييووووووه بس
هيضتي مشاعري وانا بالغربه اشتقت لجداتي ربي مايحرمني منهن ومن دعائهن
الله يخلي لك جدتك وشكرااا على الحتوته الحلوه زيدينا كمان
تهبل احب اجلس مع العجايز واسمع سواليفهم ييووووووه بس
هيضتي مشاعري وانا بالغربه اشتقت لجداتي ربي مايحرمني منهن ومن دعائهن
الله يخلي لك جدتك وشكرااا على الحتوته الحلوه زيدينا كمان
kŌŌL
•
هيييه والله يرحم زمااااااان اول >عاشت جوو
الله يحفظ يدتج وسلميلي عليها >حبيتها
سبحان الله وبحمده سبحان الله العظيم
الله يحفظ يدتج وسلميلي عليها >حبيتها
سبحان الله وبحمده سبحان الله العظيم
الصفحة الأخيرة
روعه
بس ياريتك المره الجايه حاولي تكتبي قصص وحكايا جداتك باللهجه العادية البيضا لاني مرا احب القصص حقت زمان