انت اعرف بطبع زوجك ليش تأخذ بنصايح البنات وليش تشكين أفضل شي انتي حلي مشكلتك بنفسك وبعدين ليش تطلعون يوم سبت دام قالك لاتخلين كان قهوتي فرضا طلق ربك نجاح هذه المرة
ارجعي بيتك وحاولي نتفاهمي معاه في موضوع خدمة عيال عمتك الله يفرج همك

والله اللي سويتيه صح وعين العقل يعني مو معقول تجهدي نفسك لين تتعبي وهذا مضر لك
يعني حلو انك تركتيله العيال خليه يبتلش فيهم ومايعرف يتصرف
وبالاخير هو بيرجعلك عشان مابيقدر ع العيال وهو بيقعد يفكر وبيحس انك تعبتي
واذا اتصلك وكلمتيه اشكيله عن تعبك بهدوء قوليله عيالي كلهم صغار خاصه البيبي يبغاله تغيير حفايض ورضاعه


وبالاخير هو بيتفهمك ان شاء الله بس الان لا تقهري نفسك طبيعي اي وحده تتخانق مع زوجها تكون مقهوره ومتوتره ان شاء الله الامور بتنحل ولا تشيلي هم
ادعي واستغفري وربي بيفرجها عليك ان شاء الله

ما اشوف فيه سبب يخليج تخافي من الطلاق
لان هو الغلطان
رغم خدمتج لاهله الا انه ما قدر هالشي وظل يغلط عليج
اذا وده يبيض وجهه قدامهم خليه يجرب تعب الطبخ مع الصيام بدل لا يغلط عليج
خبري اخوج بكل السالفه وهو يتصرف معاه
ولا تقولي طلاق وما طلاق
قولي خدمتك انت واهلك وهذا اللي حصلته منك وخلاص اريد ارتاح ف بيتي ومع اولادي وما ملزومه اخدم غيركم
يخرخش مخباه ويعزمهم ع حسابه من المطاعم يفطرهم

ماسوينا شي غلط
حنا قلنا قللي الاصناف عشان تتفرغين للعباده والراحه
واكيد زوجك بيعصب بس طنشيه ماقلنالك اطلعي من بيتك وشيلي عفشك .. هذا الشي انتي الي قررتيه
بعدين لما ناداك زوجك وقال بنتفاهم مفروض قلتي يجي الحين يتفاهم معي ونحط النقاط عالحروف وقلتي يافلان واحد واثنين وثلاثه هذا الي عندي وهذا الي بسويه .. مب تقولين له ماني راجعه وتتحدينه ..
عموما توني ادري انه يضربك عشان سمبوسه وصينيه بشاميل
مره عيب الضعف الي عايشه فيه وباقي تقولين خربتو بيتي
يختي زوجك خربان من اول اذا يضربك عشان اكل ويشتمك
ويهين ابوك .. مدري كيف ترضين احد يغلط على ابوك المتوفي
وباقي تفكرين برضاه ؟ انا لو احد بس يقول كلمه عن اهلي انط برقبته وانتي ماهمك بكل هالسالفه الا لا يطلقني
ماهو مطلقك لا تخافين بيخوفك عشان ترجعين خدامه لاهله
ولو قلنا بيتزوج مثلا والله مافي زوجه ترضى تطبخ لقبيلة زوجها يوميا .. مافي زوجه بترضى الا انتي
انتي اخر حبه .. محد متحمل بيته وعيالك الا انتي
ف مابيسوي شي ..
اذا جا اخوك خبريه عن كل شي زوجي يضربني عشان اكل
يصرخ علي وهذا انا اطبخلهم يوميا .. خلي يعرف انووراك عزوة
الرجل يحب الحرمه المدلله .. اما الخاضعه يدعس ع راسها
بالنهايه هي مساله كرامه لو مكانك مارضى عن كرامتي تنهان ولا كرامة ابوي
اذا انتي بترضين وتسكتين سوي الي يريحك لان واضح ان الزم ماعليك رجلك وبيتك عشان لو تعيشين خدامه عندهم
بذكرك بكره او بعده بتتعبين وتطيحين ووقتها يرميك ويجيب فوقك زوجه ثاني ويجيبلها شغاله ويكرمها لانه عارف انها عازه نفسها ..
بدل ماتلهين ورا عيالك وتصيرين انثى تتفرغين للعنايه بجسمك
تاخذين عقل زوجك بجمالك وشياكتك .. ماتاخذين عقله بطبختين .. بكره عيالك الي بينفعونك وبيسالك ربي يوم القيامه
عن عمرك فيما افنيته وصحتك بايش افنيتيها استغليتي رمضان صح وتفرغتي للعباده ؟ هذا الي ربي بيسالك عنه
الامانه الي هم عيالك عطيتيهم من وقتك اخلصتي بتربيتهم؟
مابيسالك عبيتي كروش الاوادم ولا لا ؟
فكري زين وبالنهايه هو اختيارك وقرارك ..

خلاص ارجعي شكله بيطلع ترا الطلاق مر مر مر