لا تتراجعين لين هو ينضغط مع العيال وماراح يستغني عنك المهم الحين خليك قويه ولا تكلمينه ابد عشان يعرف قيمتك وانك انتي اللي قايمه بالبيت والعيال ومالهم غيرك والله يسخره لك 💕.

حبيبتي ماعليك من اللي يقولك ليش طلعتي من بيتك
انا زوجي يقولي باي خلاف اطلعي من بيتي لو سبه شي تافه
ويجرني مع شعري اطلعي
وانا اتزاعل معه واقوله انا ماطلع انت تطلع
لين مرت علينا ١٨سنه
وكبرت وماعد اتحمل كنت طالعه عند جارتي ودق قالي لاترجعي البيت
انا تثاقلتها حسيتها فعلن كبيره
ودقيت على اخوي ورحت لهلي وياثقل جلستي عند اهلي رغم انهم مهتمين فيني بس حسيتها كبيره
ضغطت على نفسي وجبست اربع شهور ولادقيت ولاكلمت
اولادي يروحون له ويجون عندي
ولا اسال عنه وهو نفس الشي
لين بيوم وليله كنت ادعي واصلي وجتني بنتي الصغيره تكلم عن ابوها قلت ابوك مابيه خلاص بتركهه 😆هاذي بنتي نقاله علوم
المهم رايحه لبوها وقايله جدي وجدتي يقولون ابوك خل يطلق امك بطيب
هو انجن جانا للبيت ويتعذر
وانا رفضت اطلع له واهلي عصبو عليه وقالو حركتك خليتها اربع شهور بينت لنا من المخطي ليه ماجيت للبيت وعلمتنا وش سوت مو تتركها كل هالشهور وجاي هالحين
معي طفلي الرضيع اخوي اخذه وعطاه اياه قاله خذ عيالك الله يسر عليك الحرمه ماتبيك وعافتك انت وعيالك
وربي انه انهبل اول مره اشوفه مكسور كذا يدق مارد
يجي للبيت ماطلع له
وجاني لغرفتي النوم ترجاء امي ويحب راسها لين دخلته علي
وانا شوشتي لسماء😆😆
المهم ويحب راسي ويترجاني قلت علمتك مابي اطلع من بيتي بس انت حديتني
وهالحين رجعتي صعبه ابي رضاوه قدام خلق الله
وربي جاب لي اللي ابي
والحمدلله صار احسن من اول بكثيرررر تمنين اني مسويتها من اول مقالي اطلعي عن بيتي
لان الوحده لازم تكون عندها كرامه
وانتي ياصاحبه الموضوع
لاتدقين ولاترسلين ولاتبينن له انك مشتاقه لعيالك
اصبري لايامك اللي جايه اضغطي على حالك كم شهر يتعدل باقي السنين

تقولين دااايم يقول لك هالكلمه وماطلعتي الا وقت الاختبارات😫😫💔

رفع

ماعليك منهم انتي ادرى بوضعك وتحملتي وماقصرتي عطيتية فرص مو فرصة اخر شي طلعتي من البيت لانك قرفتي منه ومن تصرفاته الطفولية ولازم يعتذر لانه غلط
الله يكتب لك الخير كثري استغفار وتاكدي انه خيرة