السلام عليكم
مايحتاج اقولكم كيف الحامل تخرب
بشرتها
شعرها
نعومتها
حتى ابتسامتها:35:
عاد انا اذا حملت
يصير عندي خشمين
ورقبتي تصير كنها ماصوره مصديه من الشمس
وكله كوم واكوعي شلون صارت مع ركبي:35:
ول عليهم كنهم متفقين علي
وكل ماخرب شي بجسمي قلت لاولدت ازينه
لين تراكم علي
وصار يبيلي ثمانين يوم بدل الاربعين
عاد والله اني مزيونه <<مداح نفسه كذاب
بس الحمل خلاني كل ماشوف نفسي بالمرايا اتذكر سوما<<السيلانيه خدامة امي
وانا اللي قبل الناس يدورون الزوجات اللي احضرها عشان يشوفوني:icon33:
مالكم بالطويله
صار عندي امل ان الاربعين اصلح ماأكل عليه الزمان وشرب
وكل من شافني وقال يووووه وين بنت عتيبه اللي تجنن لاعاد تحملين:mad:
صار هالكلام يزيدني عزيمه واصرار ع لتغير
المهم
اول اسبوع ماأستخدمت شي
بكريه والخياطه تعورني وبزر مادري وش يبي
كل شي جديد ومفجوعه
بعد الاسبوع
راحت البلاده والفهيان
وبديت
اول شي كنت مخلطه هالكريم قبل الولاده
علبة جلسوليد الكبيره الاحمر
ملعقتين فكس
3ملاعق نشاء
عصير اربع ليمونات
ملعقة فازلين
تحركينهم وتحطيهم بعلبه
فنجال جلسرين السائل
كنت ادهن يديني الى اكتافي بالليل
ورقبتي
وادهن اقدامي مع ركبي
البس طبعا سروال طويل وشراب
ولما اصلح رضاعة البيبي كنت البس قفازات
اخاف عليها
الصباح اغسل بصابونة زست بالليمون
واذا ماتوفرت لاني ماأحصلها استبدلها بالببايا
كنت لما ادهن واخلص الباقي اللي بكفوفي امسح به وجهي
لاني خفت من الفكس ع الوجه
واغسله الصبح
وقت الضهر وبعد الغدا
كنت حاطه قاروره كبيره جلسرين وعاصره فيه 3 ليمونات
كنت ادخل الحمام وانتم بكرامه
واحط بقطنه وامسح فخوذي وركبي واكواعي
واطلع
وبعدها
اخلط زبادي مع خميره واحطه ع وجهي ربع ساعه
بعدها امسحه بماء الورد
ومرات عسل وخميره
بأي وقت اكون فاضيه فيه
افرك كفوفي ووجهي بليمون ابو زهيره
واخليه ربه ساعه وبعده اغسله بزست واحط مرطب
او سودو كريم
قبل ماأطلع الاربعين بيوم سويت دلكه سودانيه
اتعب وانا اقول خيااااال
تعطي نعومه مو طبيعيه ولما خلصت الدعك دهنت كامل جسمي بزيت اللوز المر
وخليته لين بكرا اللي هي خروجي من الاربعين
وغسلته
شي مو طبيعي
طبعا المشد مانزل مني طول الاربعين
وبالتوفيق للجميع والله مابي الا دعاء صادق من القلب بالتوفيق لي ولبنتي
يلزم عليك تسجيل الدخول أولًا لكتابة تعليق.
الف شكر على الموضوع
جاءفي وقته لكني اقول بنفسي بس اولد مابي شي ثاني
كارهه عمري من الثقل والحاله الي فيها .... الله يعين بس
جاءفي وقته لكني اقول بنفسي بس اولد مابي شي ثاني
كارهه عمري من الثقل والحاله الي فيها .... الله يعين بس
الصفحة الأخيرة
احب الخلطات الطبيعيه
اجل صار عندك خشمين
هههههههه هههههههههه
كلنا مع الحمل الله يعين
انا شقراء وعيونى زرقاء
وبيضاء
وعقب الحمل
علوووم
عوامل تعريه
عوافى
على الموضوع