طلعنا لمخيم وهذا اللي صار ارائكم بارك الله فيكم

السلام عليكم
خواتي باسمع ارائكم بشي حصل امس






رحنا مخيم ومجتمعين خواتي وعيالهم وعيال اخوي واعمارهم متفاوتة من ابتدائي وتمهيدي حتى جامعة بالعصر استاجروا دبابات كل وحدة من خواتي تستاجر دباب ويركبون عيالها ياخوات كلهن مع بعض البنات والعيال البنات متنقبات ويركبون وضحك وصراخ والعيال بعد يركبون وبعضهم جالسين يتفرجون من متوسط حتى جامعة بنات متنقبات وبعضهن يطيح عباتها ويطلع شعرها الوضع جدا سئ وكل هذا بحوش واحد وخيمة ودكة جلست انا بالخيمة بلحالي واستمر الوضع طول العصر تقريبا من بعد الغدا وعند صلاة المغرب رحت قلت لامي وش هالبطر والفسقة وليش خليطي العيال مع البنات الواحد يخاف الله ولا يفسق وانا ماعاد ابطلع معهم ورحت قلت لوحدة من خواتي لان باقي خواتي مااتجرا عليهم وقلت لها ليش كذا الفسقة الواحد ماينسى ربه وتحسبت الله وقلت الانسان يحمد ربه على العافية والستر قالت عليهن عباياتهن عليهن عباياتهن وتكررها قلت ولو هذا تبرج والعيال اجناب عنهم ولو هم مايقربون لنا كان مارضيتو والعيال مثلهم مثل الاغراب بالنسبة للبنات وقلت لامي الحين نبي نروح ماعاد نبي نقعد لكننا مارحنا جلسنا ليمن طلعوا الناس كلهم

ياخواتي وش رايكم اللي صار حق ولا باطل وانا مهوب اعتراضي على انهن يركبن دباب عادي بداخل المخيم ولا فيه رجال دباب لهن يلعبن ودباب بقسم الرجال يلعبون فيه لان ترى فيه قسمين وكانوا تاركين قسمهم وجايين يلبعون بقسم الحرين اللي صارت فيه السالفة لكن ليش كذا بهالطريقة وانا اببري ذمتي ومالي قدرة عليهم وضاق صدري لاني احتد كلامي مع امي مع اني بينت لها
مع انهم دايم اذا طلعوةا كذا يصير الوضع فوضى

خواتي وش الرد الحكيم اللي اقوله لاختي يوم قالت لي عليهن عباياتهن ؟ وهل فعلا الوضع طكبيعي وانتم اذا طلعتوا لمخيم كذا ؟