صباح الخير

في وحدة كانت حاطة موضوع تسأل عن طريق الرين لأنها سمعت أنه أبعد من طريق القويعيه بس ما لقيت موضوعها قلت أرد هينا والكل يستفيد


المعلومة ذي قديمه الآن في طريق مختصر بعد المزاحمية أسمه طريق بيشه وهو اللي الناس تروح معه للرين من 3 أو 4 سنوات تقريبا وأنا من تعينت ما أروح إلا معه إلا إذا كنت محتاجه شي من المدرسة ومضطرة أروح للقويعيه . قبل كانوا المعلمات يروحون للقويعية ويرجعون للرين بخط مسافته 70 كيلو تقريبا وكله مطاب بس من بعد خط بيشه كل النقول تطلع معه حتى أهل الرين يروحون ويجون معه

هالطريق خلا مسافة الرين والقويعية وحدة اللهم أن خط القويعيه أفضل لأنه مسارين وطريق حي والناس رايحه جايه فيه طريق الرين ما فيه إلا المعلمات واهل الرين بالعادة ومشكلته أنه مزدوج واحيانا تروح منه تغطية الجوال خصوصا موبايلي وزين

الله خير الحافظين توكلوا عليه وما قدامكم إلا كل خير بإذن الله

توكلنا على الله وكفئ

ما اتوقع يسوى تطلعون قبل الأذان نصلي في بيوتنا ان شاء الله كلها ١٦٠ كيلو يعني بالكثير ساعه ونص او ساعتين يعني يمدي نطلع ٥ ونوصل ٧ او حتى ٧ الا ربع

خلصت اسماءكم اسأل الله في هالساعه المباركة انه يريحك دنيا وآخره مثل ماتريحينا أنا الي كتبت اسأل عن طريق الرين وطمنتينا الله يوفقك ويساعدك ويسهل دربك ويحفظنا وإياك وبأذن الله نتقابل ويارب اكون في مدرستك لأنك باين انك بنت حلال

بنأت اي جهه من جهات الرياض تطلعني على خط الرين هل هو الغرب ام الجنوب لأني بدور سكن وأبي اعرف الاسعار عن طريق النت لان في ناس تقولي الجنوب وناس تقول الغرب