طلع في مطبخي صراصير......هالفترة ما الحل

بنات السلام عليكم
اولا ........
انا عندي خدامتي بقولكم عنها انها نظيفة ولكن ليست تلك النظافة اللي انا احبها
المهم عودتها على طريقة تنظيفي........وبدأ يمشي الحال معاها
ولما جاتني سويت لها جدول عشان تمشي عليه..........
ولكن عندما زادت عليها بعض الاشغال قامت تسوي الشيء الظاهري فقط(يعني تنظيف سطحي)
وهذي أشكره جدام عيني ما تغسل الصحون عدل يعني لاحظت عليها انها ما تكلف نفسها شوي تضغط على اسفنجة المواعين عشان تنظف زين.......
والله تقهرني لانها تستهبل علي :16: بس لما اهزئها تخاف وكله تقول (انزين انزين)وخصوصا لما شوفني جادة بالموضوع
والقهر انه تعرفني اني الاحظها بطريقة تنظيفها......وما تفكر من النزاعة اللي بتيها!!!!!!! :(
المهم من فترة اسبوع لاحظت الصرصور يتمخطر بالمطبخ.......غريبة صرصور بمطبخي قلت يمكن عزكم الله من المجاري اللي برع البيت .....هذا الموقف كان الساعة 11ليل
والله ما طاوعني قلبي انام الا وانا مفضية الكبتات اللي بالمطبخ
اكتشف انه الهانم تنظف الكبت بحيث لما تفتحين الكبت يكون نظــــــــــــــــــــــــيف وتعالي شوفي من داخل الكبت (((((((طلعت البلاوي ))))))) :icon33:
المهم قامت الصبح ونظفت معاها المخزن و كبتات المطبخ وغيرت معاها طريقة الترتيب حتى تسهل عليها عملية التنظيف وعلى الاقل اضمن انه الكبتات نظيفة بالطريقة الجديدة
أنا عكست الترتيب الكبت اللي كان فيه الطحين والعيش حطيت بداله الصحون حتى لايطيح الطحين او العيش وتجي هالقذارة في الاكل لان هذا الكبت عميق من الداخل
يعني ما كانت تنظفه من الداخل وبعد مرور 10 يام تقريبا من التظيف شفت صرصور صغير ورتبت معاها الكبتات العلوية لاني احفظ بالبسكوتات والحلويات اللي نسويها بالبيت فيها وعصبت عليها من الصبح بسبب الصرصور ولانها ما تكلف نفسها تنظف الاطراف والزوايا عدل .........ورتبت معها جزء من المطبخ وتركت لها الباقي ورتبته عدل..........اكتشفت انه خلف الغاز والثلاجة ما تنظف ابدا علما اني مسوية لها جميع الوسائل العملية يعني مخلية الثلاجة والبوتغاز على طاولات المونيوم وفيها عجلات حتى تسهل عليها عملية السحب بوقت التنظيف

السؤال:::كيف اتصرف معاها؟؟؟؟؟؟؟؟؟حتى تنظف بضمير،،علما انه مطبخي مو خشب بل هو من انواع المعادن؟؟؟؟؟؟؟؟؟؟

وكيف أقضي على الصراصير اللي بالمطبخ؟؟؟؟؟؟

هي زينه ومحترمة وما تطول لسانها هذا اللي عاجبني فيها وهي مسلمة وما ابغي اخسرها ....وانا دايما احاول اكلمها وافهمها من ناحية دينية ((اي تحس مو انا اللي اراقبها لا انه الله هو اللي يراقبها ويحاسبها وافهمها انه على هذا الاساس حرام تاخذ معاشها وهي لم تنجز عملها باتقان .............

سامحوني عالاطالة ................
بس والله من القهر :icon33: كاتبه لكم القصة كلها لاني محتاجة افكار واساليب جديدة عشان اتعامل معاها بحسن معاملة حتى لا اظلمها..

جزاكم الله كل خير واتمنى انكم تفيدوني