السلام عليكم ورحمة الله وبركاته
بدخل بالموضوع علي طول بدون مقدمات
اخواتي انا تعبانه ومدمره نفسيا من كان لي زوجا طلقني والسبب اهله
صارت بيننا مشكله يوم الخميس الماضي واحتد النقاش بيننا وكنا يجبرني اني اروح معاه لاهله وانا رافضه
عشان اسلوبه معاي مو كويس
تخيلوا لما عصب مرررره شاتني برجله الله لايسامحه
طلع من البيت وانا اشاهق من البكى رجع يبي يعتذر مني ونزل يبوس لي رجلي وانا قلت له ابعد لاتراضيني
انا انجرحت منك وحتي لو قبلت رجلي مارح ينشفي الجرح اللي بصدري
المهم صبرررت وقلت مو لازم اقول لاهلي دام انه اعتذر
مر اليوم عااادي يوم الجمعه اهلي طلعوا البر قلت له توديني قال طيب
وداني وصار نقاش بيننا بالسياره هي يقول كلمه وانا ارد
وبصراحه قلت له كلمه تجرح رجولته
نزلني وماقال لي شي لما رجعنا من البر قلت لابوي دامك ع طريق بيتي نزلني لاني تعبانه وبناتي بعد نايمات
نزلني ابوي الله يحفظه
دخلت وغيرت ملابسي ونظفت بيتي وانتظرته يرجع ومارجع
نمت ماحسيت عليه الا يدخل الساعه 2 وياخذ اغراضه ويطلع ولا عطاني فرصه اتكلم
طلع وقفل الباب وراه
طبعا انا ساكنه فوق عند اهله
يوم السبت صحيت ع مسسسج دمرني يااخواتي
يقوللي مابي ارجع البيت والقاك خذي اغراضك كلها وورقه طلاقك بتوصلك بكره:44:
قسسسم بالله قعدت ابكي بااعلي صوت وبناتي يطلعون فيني
اتصلت عليه ويرد نعم وش تبين ؟؟ اقوله وش هالكلام تعوذ من ابليس ولاتخيلي الشيطان يلعب فيك
يكلمني باسلوب عمري في حياتي ماسمعته منه
خلاص انا بكره بطلقك وانتهي الكلام
اقوله وبناتنا لاتضيعهم لاتشتتهم يقول اذاهلك يبونهم خذيهم واذا ماتبينهم اتصلي علي اجي اخذهم
والله يااخواتي اني ابكي واقوله لاتطلقني لاتقولها
ترا مابقي الا وحده (( لانه مطلقني مرتين من قبل ياربي صبرني :44:
رحت لاهلي وخذت اغراضي وبناتي معاي اش اقول بس رجعت مكسوورة لهم
ابوي زعل وقال اللي يبعيك بيعه وبناته هو المسؤؤل عن تربيتهم حنا موب ملزمين فيهم
وش اسوي وش اقول يكفي اني رجعت عندهم واحس اني ثقيله كيف لو كانو بناتي معاي
ابوي يقوللي لاتحسبيني فرحان ان بناتك بعيدين عن عينك بس انا ابيه يحس بمسؤؤليه خصوصا يااخواتي الحوائيات زوجي مهمل في تربيه بناته بالعربي مايدري عنهم رماي مسوووليتهم علي بكل شي
رحو يااخواتي واحس روحي راحت معاهم بكييييت لحد ماقات بس
ااااه ياشين يومي وليلي بدونهم
نمت وفراشي خالي بناتي من كم يوم كانو بحضني والحين بحضن غيري
والحين انا عند اهلي جالسه انتظر خبر ع امل لنه يراجع نفسه
خصوصا هو ماطلقني الان الا ثنتين لان الثانيه طلاق غضب
اخواتي تكفون شوروا علي وش اسوي قسم بالله كل يوم يمر واحس اني اموووت
بس ابي انام ابي الايام تمر بسرعه ويصير شي زين ويتحسف ويجي يرجعني ويرجعون بناتي لحضني
اخواتي كل يوم ابكي حزنا ع فراقهم ياناس فراق الضنا موب هين
والله اني اسوي اني قويه قدام ابوي عشان ماضيق صدره والله اني اتصنع الضحكه عشان ابين له ان الموضوع عادي واني قويه
مابي يشيل همي
ياناس ربي رزقني باب حنون والله انه يصحى من النوم ويدق علي بس عشان يشوف انا ابكي ولالا
مشتاقه لبناتي وفي كل صلاة ادعي ان ربي يردهم لي رد جميلا
بناتي صغيرات وحده خمس سنوات والثانيه سنتين
محتاجين امهم
حسبي الله ونعم الووكيل علي من كان السبب
وش رايكم بقصتي
انصحوني اش اسوي
ووش رايكم بتصرف ابوي لما قال خذ بناتك عندك وبنتي عندي
عشان يحسسه بمسوليتهم وع امل انه يحس فيني وبتعبي لان التربيه موب سهله
وكل ام تعرف هالشي
انتظركم اخواتي تكفون اللي تدخل وماعندها رد تكتب لي دعوه ان الله يرد لي بناتي رد جميلا
وان كان فيه ي خيرا فليقربه مني وانا كان شر فليبعده
ادعولي ربي يصبرني ويربط ع قلبي
ادعو لي الله لايحرم كل من دخلت الاجر الله يوفق ويسعد ويحقق مراد كل من ردت علي او دعت لي
ويحرم وجهها عن النار
ام القمورتين
ام مشتاقه لبناتها :44:
ام القمورتين @am_alkmortyn
عضوة فعالة
يلزم عليك تسجيل الدخول أولًا لكتابة تعليق.
ياااارب يااارب يااارب فرج همها وسخرر لها زوجها وحنن قلبه عليها
وكل من قال امين
اكثري من الاستغفاااار
وقياام الليل سهام الليل لاتخطي
وسوووي طريقه الشييخ المشيقح للتفرريج الهم باذن الله
وكل من قال امين
اكثري من الاستغفاااار
وقياام الليل سهام الليل لاتخطي
وسوووي طريقه الشييخ المشيقح للتفرريج الهم باذن الله
اسأل الله العظيم رب العرش الكريم ان يفرج همك ويرد لك بناتك ويوفقك ويسعدك ويكتب لك اللي فيه الخير ويرضيك فيه
اكثري يالغاليه من الاستغفار والدعاء اخر الليل
والله يسخره لك ويرده لك اذ كان في رجعته خيره
ويرد لك بناتك ردا جميلا ويربط على قلبك
والله يسخره لك ويرده لك اذ كان في رجعته خيره
ويرد لك بناتك ردا جميلا ويربط على قلبك
يارب يارب يارب يسخر قلب زوجتس لتس ومايطلقتس ويحنن قلبه ع بناته وعليتس
الله يربط ع قلبتس لازم تستحملين خله يحسسس شوي وابوتس عنده حق
الله يربط ع قلبتس لازم تستحملين خله يحسسس شوي وابوتس عنده حق
الصفحة الأخيرة
يارب ياكريم ياحي ياقيوم فرج كربتك وكل مسلم ومسلمه