طلقني بسبب تافه

سلام عليكم ورحمه الله
مالكم في الطويله
طلقني زوجي بسبب السناب والاستقرام بعد ١٠ سنوات زواج
في احد المرات دخل زوجي الغرفه وسحب جوالي وفتشه يقول دايمن اشوفك اذا دخلت الغرفه تحذفين محادثه وتطلعين من الوتساب وهو يشوف من خلفي 😷 طبعا من قزار السرير يقول لك فتره نفس الوضع طبعا انا اسولف معى صحباتي بس ما ابغى زوجي يشوف لنه ملقوف بعض الاوقات يجي يطالع معايه وش نسولف المهم ولا حصل شي في الوتساب قال ليش تحذفين كل الرسايل مافيه شي حتى القروبات قلت هذا طبعي
فتش جوالي الاستقرام حصل اني اتابع فقط شباب واغلبهم حقين قناه بدايه ومشاهير عاديين ومغنيين وطباخين ومشاهير السوشل مديل وهو قد حصل موقف معاه من قناه بدايه وقت التصويت وطلع واحد صحت بصوتي وحصلني اتابعهم وحلف لو اشوفك تتابعينهم ليكسر الشاشه ويطلعني ل اهلي المهم قالي ليش كل الي تتابعينهم حلوين مافيه مشاهير غيرهم !!!
دخل السناب نفس الشي مضافين بس ما اسولف معا احد بس اتابع وكل البنات زي كذا تقريبا


كلم اهلي وحذفتهم كلهم بعد اسبوع شاف حساب واحد منهم في اليوتيوب والسناب في جوالي قال ايش اتفقنا وفتح تويتر شخص طلب صوره قلت فداك يلغالي وزعل وقالي كلام بذي انتي بنت ...... ووو واذا طلعتي معايه تطالعين في الرجال انكرت هذا وحلفت له انه كذب وشد النقاش وطلقني وطلعني ل اهلي وجاب ورقتي طلقه واحده
صح انا كنت في بعض الاشياء وخاصه البيت والاولاد مهمله بعض الاحيان له بس الاحين ندمااانه
ارسلي وتساب رساله بعد ما ارسل صوره من صك الطلاق قالي كثر ما حبيتك كرهتك والله لو على موتي ما ترجعين لي قال كنت متزوج بلاسم وعايش معاك علشان اولادك فقط من اول انكر كل شي كان بيننا حلو قال همك تنبسطين عندي وتنامين الى اخر الليل وتصحين نامي عند اهلك وتزوجي حقين بدايه هذا كلام يقوله رجال بلله


طبعا ارسل كل عفشي وكل اغراضي لمنطقتي
طبعا عندي ولدين وبنت
عمري ٢٤ وزوجي ٣٣
صح انا كنت في بعض الاشياء وخاصه البيت والاولاد مهمله بعض الاحيان له بعض الاحيان وانا احبه مووت وهو كذالك فيه عيوب بس ما يقصر معي في كل شي يجيبه لي وسفريات كل سنه



هل هذا سبب مقنع يطلقني علشاني اتابع المشاهير وهل اعتذر له لني حضرته من السناب والوتساب وارسلي رساله نصيه بغيت انجن يقول ليش تحضريني خليني زي زي الشباب الباقين والله بغيت اموت من القهر انا محافظه على صلاتي وصاينه بيتي !


هل انا مخطيه وهل اعتذر له ؟ لن ودي اخليه شوي ممكن اهله يخلونه يرجعني واخاف لا يتزوج من جد