اولا انتي بنفسك قلتي انك مهمله
نقطه ثانيه لاتقارنين نفسك بالبنات لان ازواجهم مو مثل زوجك
اعتذري له

اي حبيبتي غلطانه .
انتي لو تشوفين زوجك يطقطق بجواله و يمسح المحادثات وراه
و اذا اخذتي جواله ما تلقين شي ، كل شي ماسحه ، وش بتقولين بنفسك ؟
بتقولين اكيد عنده بلا و الا ليش يمسح ؟ اذا ما عنده شي و واثق ان ماعنده شي ، يخليهم ما يمسحهم
و بتقعدين تراقبين تصرفاته و تشكين فيه
و اذا شاف ممثله بالتلفزيون قدامك صرخ يا حلوها
مو بتنقهرين ؟ بتقولين انا مو ماليه عينه يعني ؟
هو نفس الشي ترى
و اذا لقيتي له محادثه مع وحده يقولها يفداك يالغاليه او فداك يالغاليه ما تنقهرين ؟ بتقولين طيب انا وش وضعي دامها هي الغاليه .
صح والا لا
ف يا حبيبتي انتي غلطانه مليون بالميه و خصوصاً انه ما تصرف من كيفه
كان محذرك و عطاك فرصه قبل .
المفروض حتى بدايه ما تشوفينها قدامه حتى لو ميته عليها
قولي لا ما يهموني ، هو ما يشوف انك تتابعين وش صار عليهم
يشوف انك معجبه بشكلهم و معجبه فيهم و ميته عليهم .
طبيعي بيجيه شعور الغيره هذا .
حتى لو تقولين خواته يتابعون ، خواته خواته و انتي مرته
خواته ما يقولون قدامه انا ننتاابعهم
و لا يقولون عند ازواجهم ، يقولونه قدامك انتي يا البنت مو قدام الرجال
انتي غلطانه كثيير ف نصيحه اذا حاول يرجعك اعتذري و ارجعي له
و عشانه امسحي الشباب كلهم ، اصلا شتبين فيهم
و الشباب هذول عايشين حياتهم من الاعلانات و فلوسها و مستانسين و لا درو عنك انك متضرره منهم و خربان بيتك بسببهم
صح والا لا .
والله نصيحه من اخت

استغفر الله

انا تعليقي ممكن يزعج (( البعض ))
صراحه مدري كيف تجيكم الجراءه انكم بكل مكان تتابعو شباب حتى لو مشاهير يعني جد شيء محزن ويوجع القلب وصلنا للمرحله هذي؟! طيب انتي حطي نفسك مكان زوجك لو لقيتيه ضايف مشهورات ويتابعهم ويتحمس لهم عادي عندك؟!


المهم من حقهه يزعل انك تتابعي شباب وتصارخي عشان بدايه يعني هو وش شايفته مزهريه؟؟! طاقتك الزايده حطيها ف بيتك وعيالك والله يهديك

أنا وزوجي نتخاصم كل يوم علشان الجوال قاعد طول وقته على الجوال رغم إنه ملتزم وجواله مفتوح وأدخل على كل محادثاته ولا يحذف بس حتى مسؤولياتهم مايقومون فيها تحسين اللي معك جدار مو إنسان وأنا كنت دايما أقول له ماألوم اللي يطلقون زوجاتهم علشان الجوال