طلقني بعد زواج استمر ثلاث اشهر ..والسبب؟؟؟!!

بسم الله الرحمن الرحيم

السلام عليكم ورحمة الله وبركاته

موضوعي مبين من عنوانه :44: قبل زواجي عشت تجربة مره وكانت في موضوع سابق

وبعد طلاقي الاول بثلاثه شهور رزقني الله برجل اخر وصف لي انه راعي دين وخلق كان مطلق بعد سبع سنوات زواج لم يوفق خلالها باطفال طبعا سىءلنا عن هالنقطه وقال كان عندي ضعف وتعالجت وجاب تقرير يفيدنا بهالشي سىئلنا عنه الكل قال راعي صلاه وزين مافيه شي اللهم انه متكبر شوي ويحب الفلوس لانه له تجاره من غير وظيفته الحكوميه لكن قلنا يمكن ناس موفاهمينه علما انه كان مرح مع ابوي وفهلوي بالكلام الذرب ومره من المرات بعد الملكه جا ابوي رساله ان هالرجل لاينجب وتراه لعاب:icon810: ابوي كلم ابوه وقاله وصلني كلام كذا وكذا وسئله بالله العظيم ان كان هالكلام صدق طبعا الاب انكر وقال هذول حسده مايبون التوفيق لعيالنا والله ان بنتك بوجهي وهي مثل وحده من بناتي :icon33: طبعا كان مستعجل ع الزواج وطلب ان يتم الزواج خلال اسبوعين وفعلا سبحان الله تيسر مو طبيعي للعم احنا تكفلنا بزواج لانه ماكان يبي يسوي شي كبير بعذر ان معارفه مو من المنطقه تحملنا التكاليف وتزوجنا بمهر الدوله ويعلم الله ان نيتي كانت التوفيق والستر مع العلم انه اقل مني بكل شي بتعليم بجمال بكل شي ولا كان هالشي يهمني لان غرضي الستر والعيش حياه كريمه تزوجنا وكان طاير من الفرحه حتى بالملكه كان يعبرلي عن حبه من اول اتصال ولهفته انا كاي امراءه استانست وقل الحمدالله ربي عوضني تزوجنا ورحنا الفندق وتم كل شيي وكان من المقرر انه نسافر لكن بسبب ظروف العمل ماقدرنا رجع لعمله ثالث يوم زواج وقالي تمي عند اهلك لين يستقر وضعي بالدوام واجي اخذك وفعلا تميت عشره ايام وجا ورحت معه لمقر عمله اول اسبوع كان طبيعي الا انه لاحظت انه مايبي يقضي للبيت اي شي مع العلم كنت ابي انظف البيت مغبر لكن كان يتضايق ادا جيت اطلبه نروح نقضي ويقول ماحب الاسواق طيب البيت فاضي ومغبر وع وشك رمضان وابد كان كل يوم يزعل ويخانق ع هالموضع لين بالياله شربنا شوية اغراض كا يتعدر ويقول انتي بتردين الاهلك تكملين الاجازه معاهم شهوله تقضي؟؟؟؟؟!!!!!!! كنت استغرب من هالحكي وقوله شلون تونا معرسين وش اسوي ارد قال ليش ماتحبين اهلك قلت احبهم بس مو ارد لهم ثاني اسبوع من جيتي لك انا خلاص تزوجت ابي نستقر:confused: جا يوم وسئلته عن كرت العائله قال شهوله مستعجله عليه ماسويته يعني مااضافني ويقول موب شرط اضيفك عادي عقد النكاح يادي نفس الغرض !! كنت احاول اغض الطرف عن تصرفات غريبه خاصه في غسله ونظافته واحاول انا ابتدي اعلمه وكان يقولي لا ماابي اتعود يمكن ماتستمرين معي؟؟؟!!!!! :icon810: كنت اطنش واسكت طبخت من ثالث اسبوع اشكال وانواع وكان يدق ع اهله ويقولهم طبخنا وكان يبوس رجولي من حبه لي واحيان ياكل اللقمه من فمي ولكن مع هالشي كان يقولي لو قلتلك روحي معد ابيك بتروحين وبتقولين لاهلك ولا بتروحين لهم وتسكتين!!!!! كنت اجاوبه طبعا بقولهم وكان يغير هالموضوع ويدخل بموضوع ثاني ويسولف ولا كنه قال شي استمرينا بعالطبع الغريب اسبوعين وانا احاول افهمه وافهم تصرفاته المريبه خاصه انه يطلع كثير من البيت ولا يرد الا قبل السحور بساعه؟ وكل كلامه انه شغل وبزنس ورزقنا انا قلت ماراح ازن عليه عشان لا يقول زنانه لين جا يوم من الايام وقال بصارحك بشي انا سئلت ثلاث شيوخ وقالو لازم اقولك انا عقيم وقلت لبوك قلت لا انت ماقلتله انك عقيم انت انكرت هالشي وجبت لنا تقرير بانك سليم قال المهم لحين بقولك وادا تبين ننفصل ماعندي مانع:icon810: طبعا انا شفت الكون كله يدور وكنا بنهار رمضان وقلتله لا يازوجي انا شاريتك مابي بدنيا غيرك وهو سكت وبدا يقلب ع المكشوف وكل مره يقول روحي لاهلك واحصله حاجزلي لاهلي فجئه يقول تغيرين جو احمدي ربك اني مستوعب انه اجازه وتبين اهلك ومره قال لاتقولين لهم ان بينا مشاكل انا هنا وقفت قلت وشنهي المشاكل سوبرماركت وغراض بيت تعتبرها مشاكل اوكي وفعلا لميت عفشي ولما رجع وشافه قلت ودني لاهلي وقلهم وش هالمشاكل قام اعتدر وحب راسي وقال لا خلاص بعدها بسبوع لقيته مفاجئني بسفره لاهلي وقال انا معك نروح كم يوم ونرد ويوم جابني قال برجع عشان العمل بنفس اليوم رد وخلاني لين العيد ولا قام يكلمني مثل اول الا ع السريع وبس قعدت اسبوعين ليوم العيد عايدني وقال بجي وثاني العيد قال مالقيت حجز قلت انا بجي قال لا بقولك شي انا بسوي عمليه لا تجين وتقعدين لحالك خليك وبعد العمليه تعالي انا هنا انهبلت وقلت شلون كدا ولازم اقول لاهلك قال لاتقولين قلت لازم عشان محد يشره علي قال قوليلهم قلت لبوه ويوم قلتله قام سوا علي مشكله وقال شلون تشتكيني لاهلي انا معد اثق فيك قلت انا ماشكيت انا قلت استادنكم انه بقعد عند اهلي ع حسب طلب ولدكم لا يلحقني لوم قال ابوه ابد مجمله واهله جدا طيبين معي وطبعا لابو قال لولده اكيد وهزئه المهم بعدها تركني اسبوعين بدون اي اتصال او سوال بالعكس انا حاولت اراضيه وزاد تكبر علي بعدين حجزلي ورجعت له ومن اول يوم ولمدة ثلاث اسابيع وهو ياخد الي يبيه مثل الحيوانات وعقب ما ينتهي يهددني انه بيوديني لاهلي وانه معد يبيني وكل هدا بدون سبب هو يختلق امور غبيه امه كانت تصبرني وخواته بعد ولكن في يوم من الايام قال بكره حجزت بوديك لاهلك وقلت لاهلي وقالو احنا جاين وجا ابوي ونادا ابوه وقعدنا بليلة جمعه انا وهو وابوه وقلت كل شي عن ولده بكل صدق وبحلف وع المصحف ابوه انهبل من ولده قال تهدد بنات الرجال الي اكرمونا وخجلنا من كرمهم ليه قام هو يقول انها ماتطبخ انها تكلم صديقاتها تسئلهم عن اسواق من هاللاشئ السخيفه التافهه لدرجة حكى عن الفراش تمنعني منه قلت اكيد بمنعك لانك كل يوم تقول بووديك لهلك طبيعي ماراح اعطيك المهم ابوه قال مااشوف انه في مشكله لان اسبابك ياولدي تافهه والبنت ماسوتلك شي انت ماحسستها بالاستقرار ومع كل هدا البنت متحمله وصابره جا ابوي اليوم الثانب يبي يتكلم انه يا يعيشني باستقرار وامان يا يطلقني ولكن لابو قاله خلاص مابينهم شي حليت موضوهم وهو تافه قام ابوي سكت وقعد ابوي اسبوع وراح ولم يتعدل الرجل بل زاد تجبر وكله عشان دخلت اهلنا قلت انت دخلتهم موب انا وصار يغيب عن البيت ب 11 ساعه مايرجع الا نوم ويطلع وهااكدا وطبعا الثلاجه فاضيه تماما الا من مويه وشوكلاتات وبعد مارجع ابوي بيومين حجزلي زوجي وجابي بيت اهلي وقال لين نفسيتنا تهدا ورجعها بنفسي وحلف لبوي وهو طالع من المسجد انه مو عايفني ولكن يبي النفوس تهدا وقعد اسبوعين لا اتصال ولا مسج وفجئه البارح ثلاث الفجر يرسل ان كل شي انتهى وان عاشر من تعاشر لابد من فراق مارديت ولا بكلمه وقلت حسبي الله ونعم الوكيل طبعا للحين ماكلم ابوي بهالشي ابد


ملاحظه ابوي لما شافه مستهتر ويهددني قال انا مو قلتلك كثير حدروني منك وانت حلفت انه كدب شف لحين اثبت كلامهم لكن والله لروح لوسط جماعتك وقول انك مو راعي زواج ومنت كفو تدرون وش رد عليه وقال قال لو سويتها انا ببيع ضميري وقول بنتك ماكانت بنت قال ابوي تخسى لان القران موجود والمحكمه موجوده هالكلام كله كان قبل يجيبني من بيتي ويوم جا هنا كرر الكلام ابوي ماحب يشد معه ع باله انه فيه خير بس للاسف حسبي لله ونعم الوكيل الله ياخد بحقي منه عاجلا غير اجل انا مارديت ع المسج حقه مع انه كان نفسي اقوله الله يوريني فيك يوم يرضيني ويبرد قلبي لكن فضلت اقولها في سجودي.. وكمان لقيت له اشتراك في منتدى الفراشه باسم بنت واشتراكات بزواج مسيار وايميل لبنت يترجها كل هدا قبل زواجنا بثلاث اربع اشهر اااااااااااااااااه مدري شسوي






ادعولي ان ربي يجبرني ويبرد ع قلبي واسفه اني طولت عليكم سامحوني