السلام عليكم ..........وصباح الخير حبيت تشاركوني وضعي الجديد واعلمكم ان زوجي كملها بالثالثه وطلقني يابنات اللي ماتعرف قصتي معه وتبي تعرفها تدخل على ملفي الشخصي وتشوف مواضيعي ...........واحمد ربي واشكره على كل الحال الواحد مايدري وين الخيره فيه ...............بس حبيت اقولكم اني احس انه مصدومه فيه وشلون بعد وقوفي معه يستغني عني بكل سهوله لا ومن زين العلوم عنده وهند اهله يدورون له عروسه بعد طلاقي منه بثلاث ايام ......ياربي انا اضحك والا اصيح وقسم بالله احس اني مو مصدقه وشوي اقول يابنت هدي نفسك اصلا هو منتهي عندي من زماااان من اكتشفت خيانته ......ايه صح ماتدرون عن خيانته خلوني اقولها لكم ....بيوم من الايام لاحظت عليه انه يقفل الجوال اذا دخل البيت وكنت ملاحظه وساكته المهم راح اسبوع واسبوعين وهو على هالحال وينجن جنونه اذا فقد الجوال المهم بدا الرجال تشين نفسه علينا ةيعصب بالدخله والطلعه وانا كنت ساكته وافكر واقول وش فيه هذا . المهم حاولت اعرف السبب فكرت وفكرت قلت بس البلى بالجوال بطريقتي عرفت الرقم السري وبيوم من الايام طلع وترك الجوال عندي وفتحت الجوال ...يالللللللللللللللللله وش ذا وش لقيت رجلي المسحور المسكين التعبان يخوني ياربييييييييييه ......ليش وين السحر وش لون قدر يتحكم بنفسه لالالامو معقوله مسكت نفسي وقلت اصبري وينكشف لك المستور وفكرت وش اسوي ولقيت الحل ....اخذت ارقام البنات اللي يكلمهم وشبكت معهم من غير مايدرون وش السالفه لين ارتحت مع وحده صغيره وقلت لها انا زوجة اللي يكلمك تفاجئت وخافت وهديت روعته وقلت اعتبريني زي اختك وساعديني قالت طيب وشلون ؟قلت ابيك اذا اكلمك ابي اسمعه وش يقولك قالت طيب طبعا سويت كذا ابي اشوف هالمسحور وشلون يكلم المهم سوينا اللي اتفقنا عليه والا والله اسمع الرجال مبسوط ويسولف وينكت وعااااادي جدا لا والادهى والامر انه فيه وحده مشبك معه كانه زوجته ؟؟؟؟؟ولا بعد حاجز له شاليه هو واياها مره بدرة العروس بجده ومره بقرية الخليج بالشرقيه ياسلام عليك يازوجي المسحور المهم قررت اواجه لانه لحد هنا وخلاص فجاء اليوم اللي واجهته فيها لاني بقرارات نفسي يشوف لنا حل ياانك انسان مسحور وتعالج او انا ابس اشوف لي حل ابي احس اني مع انسان حي عمري راح وانا انتظر متى ربي يعافيك واخر شي اكتشف انه مافيك شي المهم واجهته وقلت له اللي شفت طبعا وش قالي تتوقعون ؟؟؟!SIZE]
اكمل لكم وش قال ...قال لي على طول ا نتي طالق !!!!!!انا انصدمتتتتتتت ليششششششش ؟اسكت وحاولت ارجع المياه لمجاريها وارجعت طبعا هذي الطلقه الثانيه انا بعدها يابنات كرههههته ليش تبيعني علشان نزواتك ليش ماحافظت علي المهم فيه تفاصييييل كثيره بهالقصه راح تتعبني علشان اقولها بس اكملكم حكاية الطلقه الثالثه اختلفنا عند طلعه وانا بيني وبين نفسي قلت لازم اطلع ابنحرم حتى من هذي ليش انا منب انسانه ابي اطلع مثل العالم والناس اصريت على راايي وقال بكل بساطه انتي طالق بالثلاث !!!! قسم بالله شي مضحك على العموم انا عطيتكم قصصي باختصار وانتم عطوني رايكم لو انتي بمكاني وش تسوين وادعولي بحياتي الجديده ]
مدام بنت القصيم @mdam_bnt_alksym
عضوة نشيطة
يلزم عليك تسجيل الدخول أولًا لكتابة تعليق.
عالم الابتكارات
•
لاحول ولا قوة الا بالله اسئل الله ان يفرج همك
الصفحة الأخيرة