اسأل الله ان يربط على قلبك ويعوضك بأخير منه

مو انتي اول ولااخر وحده تطلق..
الي باعك بيعيه ندري انه شيء مؤلم لكن مالك الا الصبر يمكن حياتك بعده اريح ويمكن الله يرزقك باخير منه
ترا مو الزواج كل شيء شوفيني انا متزوجه لكن مو مرتاحه الله يصبرني يارب

الله يفرج همك يارب

الله لايرده هذا لاتتحسفى عليه لانه ماعنده الجراءه انه واجههك
اكيد بضغط من زوجته الاولي هذا احنا اذا اهملت بيتها واتزوج عليها جن جنونها لحد ماتتطلق الثانية
وزواجه منك نزوه لانه رفض تسكني معاه بنفس المدينة
الله يعوضك بالافضل منه

الله يعوضك ياحبيبتي باللي احسن منه
وعسى ان تكرهوا شيئا وهو خير لكم 
هذا قضاء وقدر من الله ولاتزعلين على شي ربي كتبه لك لانه ادرى بمصلحتك
خليك راضيه بقضاء الله وحكمه وان شاء الله ربي يعوض صبرك خير ...
وخلاص انسيه ولاتذلين نفسك اكثر ولاعاد ترسلين له ولا شي احذفي رقمه من عندك وسوي بلوك لرقمه بالواتس ولا عاد تتابعين اخباره ابدا خلاص انسيه ولا عاد تلاحقين ورا واحد تركك بسهوله واستغنى عنك بدون مايفهمك ليش والا ايش اسبابه ....
حسسيه انك بعتيه مثل ماباعك ولاعاد يهمك ولاعاد تبين تسمعين منه ولا شي لانك بتصرفك هذا تفرحين الرجال ويحس انك مازلتي تحبينه وتلاحقين وراه وترسلين له بالواتس وهو مطنش وساكت وحارق قلبك حرام عليك ياشيخه عزي نفسك شوي اقل شي احذفي كل شي يخصه ولاعاد ترسلين له ولا كلمه خلاص اللي نساك انسيه وربي راح يعوضك اللي احسن منه .....
وبلاش تجلسين ويدك على خدك وحزينه ويائسه ومقفله كل ابواب الفرح بوجهك مو هذا التصرف الصح خلاص افتحي صفحه جديده مع نفسك وابدأي حياه جديده كلها تفاؤل وأمل وثقه بالله سبحانه وتعالى .....
وانتبهي من الفراغ لان الشيطان راح يتسلط عليك وراح يشغلك بالتفكير فيه وفي ماضيه والحزن والبكا على شي راح وانتهى ترا الشيطان يفرح اذا استطاع ان يحزن المؤمن فلا تتركين له سبيل عليك واشغلي نفسك بأي شي تحبينه ويرضي رب العالمين ....
ولاتنسين صلاة الليل تراها راحة القلب والنفس وتمسح الحزن مسح والدعاء راحة المؤمن في دنياه وآخرتها ....