طلقني لاتفه سبب-ساعدوني

انا متزوجة من سنتين ونص وحياتي مستقرة لكن يحصل بعض المنغصات زينا زي اي حياة زوجية-المهم زوجي كل ما يحصل سوء تفاهم يمطر علي وابل من الشتائم ويطلع ويتركني واحيانا انام لوحدي في الشقة ويمد ايده علي ويدفعني كل ما وقفت في وجهه عشان مايطلع ويتركني احيانا اسكت و3 مرات اجي عند اهلي وبعد فترة يلين راسي قبل راسه وارضى واتصل ويمشي الحال (عاد الرجال عندهم طريقة جهنمية في تركيب الاخطاء على الزوجة)والان عندنا بنت والمشاكل تزيد واخطاؤه كثرت في حقي مايبغى اني اعارضه ابدا مع اني ماقصرت معه في اي شي حتى رواتبي ويطلع ويدخل ويعزم عل كيفوه وحشمته وحشمت اهله وحنا مضرب المثل بالحب تعبت ابلع واداري ودائما ابوي واسطة خير بيننا
قبل اسبوع كنت جدا مريضة وزوجي مضغوط من عمله والبنت جدا تعبانه فقلت له بلاش تطلع اليوم خلك عندنا ورفض واحتد النقاش وشتمني واستجمعت قواي ورديت شتائمه عليه وجلس غصبن عنه والزمته انو يتحمل مسؤولية بنته وقفت قدام الباب وضربني لاول مره- انقلبت لبوه كله لخاطر بنتي المهم دق على ابوي وكبر الموضوع وطلعني غلطانه وسبني وابوي يسمع انا عجزت اتحملوقلت له يااما يعتذر لي اوننفصل وامهلته يومين وكالعاده هرب من البيت وماكلمني الا يسال عن بنته وبعد يومين سالته وش صار قال ماراح اعتذر لو تنطبق السما على الارض وتبين تمشين لاهلك امشي................وشلت كل شي وجابني لاهلي ومن بكرى جاب الاغراض اللي انا ناسية وحول كل الفلوس اللي انامسلفته وامس جاب ورقة الطلاق طلقة واحدة وحذفها ابويفي وجهه وقال جبها 3 بنتي لها كرنمه وما ورى ماصبرت وتحملت حركاتك --------انامابي الطلاق لكن مايحس بالنارالا واطيها واللي مجنني انه دائما يكرر انه يحبني بمنلسبة وبدون ابي تفسير لحالتنا وانا مستعدة اجاوبكم علىاللي تبون
ارجو التفاعل