ياعيوني والله اهم شي با الحياة الزوجيه قبل الحب هو الامان وحياتك معه صعبة فعلا
وما نقدر نقول انه من النوع اللي يطلق اذا فقد عقله يعني الغضب الشديد لا واضح فعلا انه فيه شي ممكن على قولك حساسيته الزايدة تجاه سمعه او شي ثاني
انا ماراح اكون برايي زي اللي سبقوني لا الموضوع الان اكبر من انك ترضينه وتبتعدين عنه اذا زعل
وانتي غلطتي المرة الاولى يوم انتي اللي كلمتيه عشان يرجعك صراحه قويه ها الحركه منك
يفترض يتدخل الان رجل من عائلتك بهدف الاصلاح والتحذير ومعرفة اسبابه او شيخ في منطقتكم يا اختي الطلاق مو هين صعبه تقعدين على جريف وما تدرين متى يتنرفز ويطلق الثالثه اليوم بكرى بعد سنين وانتي بتقدرين على ها التوتر
او تروحين انتي واياه لمعالج نفسي او مستشار زواجي تحلون اموركم وتعرفون وش السالفه

جعل ربي يعينك ويفرج همك ويعقله ويهديه

دمتم بود

شكرا لجميع الاخوات اللي ردو على الموضوع..

كلامكم كله على العين والراس بس من تزوجنا وهو يهدد بالطلاق دايم على اتفه هوشة قال عادي ترى نتطلق والولد مايضيع اجيب له مربيتين واخليه عندي !!
والحين الولد عندي ولا شفناه اخذه ولا شي ولا يجي يشوفه الا بالاسبوع مره ..
لكن في الفتره الاخيره وبالذات من جيت من الحج يعني السنه الاخيره صاير لايطاق بتصرفاته .. احبه ايه ورجعت له يوم يطلقني اول مره لاني في العده لكن كنت متفاهمه معه على ان نحل مشاكلنا ووافق بس الظاهر الكلام يدخل من هنا ويطلع من هنا ..

اخاف كثير من رجعتي له ادري انه راح يكلمونه اهلي بس ابوي بهالفتره قال خلوه تلقونه ثاير ..

وغير كذا حاولت معه اني اتوظف مو راضي يقول اجلسي في البيت واعطيك 2000 عطاني اول مره وعقبها غسلي يدك يعطيك ..
وانا مو هامني الفلوس كثر ماهمني ان اطلع ..

up

الله يهديه ويسخره لك

لاحول ولاقوة الا بالله
الله يلهمك الصواب