انا اشوف انه حافز هذا اللي بين الرجال على حقيقته مؤقت مؤ دائم بيجي يوم ويقطع نه عنك لذلك سوي في المبلغ كله جمعية بدون ما يدري وأخذي الجمعية وأشتري فيها ذهب لك حتى لو شي بسيط المهم لك وللزمن لان زوجك مؤ مضمون وممكن يرجع يطلقك للمرة الثالثة وقتها مالك غير هالذهب تتعتمدين على الله ثم علية وتصرفين على عيالك منه او تسوين به مشروع يكبر مع الايام وتغنين نفسك عن الناس اذا طلقك بتنفعك السباكة ولا البوية ؟ اللحين اشوف ترجعين له بشروط علشان حرام عيالك يتعقبون بمسألة الطلاق ارجعي بشروط اولا ماله دخل في حافز وثانيا يصرف عليك ويكسيك ويصرف عياله وثالثا يكمل الضروريات اللي ناقصة بالبيت اما الكماليات اتركيها وتنازلي عنها لحد ما ربي يرزقكم ويزيد راتبه اهم شي عيالك لا يضيعون بسبب حافز

اصبري عشان عيالك ايش رخ تسوين عاد ..،

قولي لاخوك يعلمة انك مو مجبورة تصرفين علية وعلى بيتة
هذا بيتة ولازم يصرفه وخلي اخوك يوقفة ويعلمة حدة ومو على كل شي يطلق

شوفي يافلبي انا ماقريت كل الردود يمكن حد من الاخوات كتبت نفس كلامي
من وجهة نضري لو كنت في موقفك ما ادفع في البيت ولا ريال
مادام مايقدر العشره وكل شوي يقول لك على بيت اهلك
هذا ماله امان ومتهور ويمكن يرمي الطلاق على ابسط شي
طيب غيرتي البويه والأثاث وسارت الشقه جديده وصار سوء تفاهم ورحتي
لأهلك الشيطان بيقوله الشقه جاهزه والبنات ع قفى من يشيل
او طلقك تقدري تاخذي الأثاث اللي دافعه فيه او البويه او السباكه
فكوني حازمه ولا يجيكم الا ومعاه ابوه او ناس عقال ثقه
وحطي النقاط ع الحروف والبسي عباتك وتفاهمي معاه بحضور رجال ثقه من طرفه
وبحجابك خليكي جريئه في الحق وقولي انا ماني حاسه با الأمان معه كل شوي يقولي عند اهلك
رغم اني صابره معاه وعايشه ع ضروفه ابغاكم تضمنون لي حقي وحق عيالي
اذا قدر يكتب الشقه باسمك وقتها اثثيها صح
واذا رفض اطلبي منه راتب شهري مثلا الف او خمسمائه
وشوفي وضعك وش يناسبه وسويه
الله يهديكم لبعض ويسخره لك ويعين ع هالدنبا

، هو إذا قال الباب يفوت جمل مو معناته الدنيا انتهت وقامت القيامة ..
عادي روحي الحمام وغسلي وجهك واتوضي وصلى الله وبارك وانسدحي بسريرك شوي وروقي وكملي يومك عادي .. ترا اغلب الازواج يرددون هالكلمةاذا عصبوا ..






وبعدين معليش 3 الاف ماهي قليلة تكفي ماشاء الله ..
لكن سوء تدبيره يضيع الراتب... خاصة ان بيتكم ملك وماتدفعون ايجارات ..

شوفي ياقلبي المفروض تحطون لكم ميزانية ..
البنزين ترا من حطوا 91 وهو برخص التراب. زوجي يعبي ب 20 تقعد معه 4 ايام تقريبا .. يعني مو اكثر من 200
والجوالات افضل شيء سوا افضل من المفوترة ولاتشحنون الا بمية بالشهر لكل واحد منكم صارت 200
والاكل والحليب والحفايض عندك متجر المستهلك يجنن المقاضي فيه خياراتها متعددة ومايغش بالاسعار حطي لها ميزانية 600 ريال
هذي الف ريال لأهم ثلاث بنود ..

احس زوجك عايش بالبركة مايخطط ولا يحط ميزانية ..

اختي انسب حل واروع حل انك تتوظفين ، صدقيني مو بس عشان المردود المادي راح تستفيدي من اشياء كثير خاصة انك تكونين لك مجتمع وصديقات وتروحين عن نفسك. ..

الله يوفقك