الفتوى:
الحامل يقع عليها الطلاق وتجلس في بيتها ولا تحتجب عن زوجها لأن ذلك يسهل أن يراجعها زوجها وهو الأولى, وعدتها إلى أن تضع حملها فإن لم يراجعها قبل أن تضعه فعليه أن يعقد عقداً جديد لأنها الطلقة الثانية....

**عذوب**
أشكرج أدري والله ومقدره العواقب لكن ضاقت بي الدنيا ولا لقيت غير الطلاق منفذ

اختي الغالية .. انا ماعندي علم بالموضوع بس حبيت اقولج
الله يفرج همج ويقومج بالسلامة ويسخرلج زوجج ويهديه ...
والاحسن انج تكلمين هلج او احد اقاربج او حتى اهله اذا كانوا متفهمين عشان تطلعين من المشكلة...او حاولي تكلمينه وتفهميه انج تبين ترسين على بر...

خلاص اللي أعرفه اني مطلقة وعدتي إلى أن أضع حملي والأهل قلتلج ملوا من سالفتنا والبيت بيني وبينه ما تركت بيتي أنا في الطابق الفوقي وهو نزلته الأرضي إذا أطلع أطلع مع سائق أبوي أو تاكسي بدون ما أشاوره لأنه طلقني شو يبا مني بعد؟
العيال ينزلون يتغدون وياه الظهر وهذا الحال مريحني أنا هو قريب من العيال بس بعيد عني أريح لي لأني إذا أشوفه أذكر همي وانقهر....

أنا يا جماعه لاحظت اني يوم أحمل في أول شهر أنجن يعني الأشياء اللي لي سنين راضيه وصابرة عليها تستفزني وتخليني أتفوه بكلام ما أقدر ألجم لساني عنه يعني أتريا عليه زله أفجر فيها كل حقدي عليه وما أخللي فرصة جدامه إلا انه يطلقني
وقلتلكم انها ثاني مرة ... من سنتين بعد كنت حامل وطلقني مادري ليش الحمل يسبب لي ضغط وخاصة اني مب راغبه في الحملات اللي بعد ولدي البكر لأنه بذاته صغير ومحتاج تربية عمره سنتين اللي أكبر منه بعدهم دلوعين أهلهم وهو اللي بعده صغير انحرم من حنان أمه واهتمامها ورعايتها وحليبها الطبيعي بعد :(

ام ميثا يمكن هذا كله من الوحام...لان كرهك له مايجي الا وانت حامل
يعني يمكنه وحامك على زوجك